|
السبب واظح وهو بأن تحظى المرأه نوع من الخصوصيه في حياتها مع زوجها ،،
وغالبا كـ نوع من الاستقلال وهو أقضل في جميع النواحي مثل الابتعاد عن مشاكل اسرته بشكل عام ،،
وبناء حياة خاصه بعيدا عن اسرته ،،
تقبل مروري
بكل صراحه .. الوحده الحينه تتريا عريس الغفله يتقدم
و بلا بيت مستقل و غيره ..
الحينه البنت لازم تفكر انها تستقر لان الشباب الحينه اقل من البنات بشكل كبير .. و من غير حوادث السيارات و الزواج من اجنبيات
فنسبة البنت صارت قليله في الزواج و اذا تزوجت اختها مب معناته انها هي بعد بتتزوج و اذا تزوجت ربيعتها مب شرط هي تتزوج
فاتمنى البنت لا تعقد الامور و ترضى بالنصيب و الاهم ان يكون الزوج عاقل و فاهم و كل شي بعدها بيي
بيت مستقل او ملحق .. الاهم هو الزواج
و بالتوفيج
(( بلا اخذ راحتي بلا خرابيط ))
العتيبي
لا إله ألا الله .. محمد رسول الله
هههههههههاي
انا اايد العتيبي هههههههاي
الصراحه ياب على البنات يب ههههههههاي
تلاحقا علا عماركم لانه الشباب
اقل من البنات في هذا الزمن
والله المســتعان
ماعندي كلام اضيفه بصراحه ماقصروا الاخوان وصدق صدق مانقدر ناخذ راحتنا لا بالبس ولا بالكلام مع الريل ولاشي
احس ان كل العيون علينا واذا قلت كلمه حلوه والا شي من هذا القبيل زله والله اطيح الانتقاذات علي من كل صوب
ويقولون هذه ماتستحي ومادري شو ادلع ريلها جدامنا
وكله الشيله على الراس للعلم ما اقدر اطبخ والسب بان عمتي تطبخ كل شي الغذى والريوق
ما اقدر ابد اطبخ لريلي اذا قلت لها ابي اطبخ لريلي تقول بعدين يوم بيكون عندج بيت
وريلي يبي ياكل من ايدي
من حقها البنت تعيش ببيت بروحها لا هي فشخره علشان يكون عندها بيت ولا شي ثاني
للراحه والخصوصيه التاااااااااااااااااااااااااااامه لها
مشكورين عالطرح الروووووووووعه
انا راي من راي الاغلبيه اللي قالوهو الصح انها تاخذ استقلاليتها ف بيتها
وهي اللي تكون صاحبه البيت مو اهل زوجها لانه تصير مشاكل وايد
وخاصه هالايام احسلها تبتعد عن الشر وتغنيله وتعيش هي وزجها مرتاحين
ويفكرون بمستقبلهم
ولك منــــــــــــــــــــــي اجمل تحيه
برأيي حلووو البنت يوم تكون مع أهل ريلها بس أحلى لو عندها بيت بروحهااا لأنه مثل ما قلتوا تأخذ استقلاليتها وخصوصيها
في بيتهااا بس بعد أنا مؤيده لكلام أخووي العتيبي وكل شئ نصييب ..~
حسبنا الله سيؤتينا الله من فضله أنا إلى الله راغبون
{رَبِّ اشْرَحْ لِي صَدْرِي، وَيَسِّرْ لِي أَمْرِي، وَاحْلُلْ عُقْدَةً مِّن لِّسَانِي، يَفْقَهُوا قَوْلِي}
انا اقول لو كان للريال امكانيه يعيش حرمته ببيت بروحها بالافضل يعيشون بروحهم
اما اذا الريال ماعنده الامكانيه بالافضل للاثنين يعيشون ببيت اهل الريال
والحرمه تقدر ظروف ريلها ةامكانياته وتتحمل كل اللي ايها علشان ريلها وهذا اهم شي
((ترضى بحياتها مع ريلها مهما كانت ظروفه))
الله يوفق الجميع وكل شي يتغير بسرعه تتحمل فتره وبعدها بترتاح ^^
*مابعد الصبر الا الفرج* <<<<اقول هذا المثل لان بعض الحريم يضغطون على ريايلهم
يطلعون ببيت خاص وهي تعرف ان الريال مايقدر على هذا ((ولكن من يقول ههههه))
يزاكم الله خير على هذا الطرح الجميل^^
..أَبَصْرَخْ أَحِبِج مُوتْ....وَ إِذَا خَاَنَيِ اْلصُوتْ....اَبَكْتَبْ حُرُوفِجْ بِدَمِيِ....إماراتي ..
ياريت كل بنت تقول ابا بيت بروحها بتقدر تعابل فيه ..
في البداية ابا بيت و عقبها شغاله و لما بتييب العيال بتفرهم للشغاله .. و هذا هو المنوال
ما اعتقد الحينه في وحده تبا تتزوج و تطلع لبيت بروحها علشان تخدم بروحها لازم تييب شغاله و هم بعدهم في بداية حياتهم الزوجيه
العتيبي
لا إله ألا الله .. محمد رسول الله
غريب هالموضوع؟!!
شو المشكله لو البنت عاشت في ملحق في بيت أهل الزوج؟!!
الشاب الاماراتي عشان يتزوج صار لازم يوفر المهر وهالايام مالا يقل عن 100 الف - صاله الافراح واللي أسعارها في تزايد مستمر - غير تكاليف الزهبه و الملجة و الهدايا والذهب و .....الخ!!
بالنسبة لشاب في بدايه حياته هالتكاليف مبالغ فيها فكيف لو أضفنا اليها بيت بناؤة يكلف مئات الالوف إذا ما وصل للمليون وتشطيب وأثاث؟!!
في هذي الحالة الزواج راح ينحصر على الأغنياء أو يرتفع عمر زواج الشاب الي ما فوق الـ 35 كحد ادني!!
أما بالنسبة للخصوصية فهي نعم تنعدم اذا كانت الزوجة تسكن في غرفة داخل المنزل !! لكن الملحق ما راح يؤثر على الخصوصيه ابدا!!
البنت لابد وان تقدر ظروف الشاب وكل حسب قدراته !!
أول شي يسلموووووووو على هالموضوع الحساس،،
ثاني شي بصراحه أنا أشوف أحسن شي سكنت الحرمة مع عمتها او أم ريلها في أول 3 سنوات خير،،
لآن بتكون توها متزوجة ومن غير مسؤوليات الزواج والحياة الزوجية راح تكون حمل ثقيل على الزوجة ، و
والأهم إن جلوسها مع أم الزوج راح يفتح لها باب الحوار والنقاش في أكثر زوايا الحياة مب شرط في البيت و مسؤوليات الزوجة،،
يعني عادي تتعلم الحرمة من عمتها العادات والتقاليد إلي معظم البنات نسوها ،،
وأنا عن نفسي ماعندي مانع أسكن مع اهل ريلي لآن إلي مافيه خير لآهله مافيه خير للغير ،، والسموحة على الإطالة
ضوابط المشاركة
رد مع اقتباس
