شوفو تفكيره كيف ؟

[موزان]

السلام عليكم،،،

أمس في الدوام ،، يلست ويا واحد من عيال منطقتنا ،،

عرفت إنه ريال حشيم وريال واااصل عند الرياييل،،

ريال بكل ما للمعنى من كلمة ،، ماشاء لله عليه !!

طرحنا عدة مواضيع متنوعة ،، عادات , تقاليد و ناس وأصول و فصول و ..... منتديات !!

المشكلة إن تفكيره على المنتديات إنها للتعارف ...

حاولت وياه يمين يسار مافي فاااااااااايدة ،، الريال مصر على موضوع ان المنتدى للتعارف بس ،،

والأدهى من هذا وذاك إنه مايبا وحدة تعرف شي إسمه إنترنت !!

مابقول عنه متخلف لآنه مايعرف لالالا بصراحة النت هالأيام يخوف ..

لكن ياترى ...

1- إنت يا شاب هل ممكن تتزوج وحدة تقعد على الإنترنت ؟

2- انتي يا بنت هل ترضين إن زوجج يمنع عنج النت ؟

>> همسة : أنا عن نفسي ، بحاول أقنعه !! ولو ماطاع لاحول ولا قوة !!

[raziy]

موضوعي حلو...

شو يعن اتزوج وحده تقعد على النت ساااعه فاليوم او حتى اكثر داامه ما يضرها ولا تهملني
النت عنده ايجابيات وسلبيات

[المتميزة]

من يحرم النت على الآخرين

عليه أن يحرمه على نفسه من باب أولى ..

النت سلاح ذو حدين

فكم من أناس اسلموا و اهتدوا و استفادوا منه ..

و كم من أناس انحرفوا و ظلوا منه ..

الإنسان هو مسؤول عن نفسه أمام ربه ..

هدا الله ذاك الشخص ,, و قلل منه في مجتمعاتنا ..

[^نــمــورة^]

وعليكم السلام ورحمة الله وبركاته
2- انتي يا بنت هل ترضين إن زوجج يمنع عنج النت ؟
ليش يمنعني عن النت ؟؟
لازم يكون في سبب!!
غيرة
او اني مقصرة بحقة وبحق العيال والبيت او بصلاتي
راح يكون معذور
وغير هذي الاسباب مالا حق

تسلمين عيني موزان على المناقشة

[سماري]

[align=justify]
السلام عليكم
اذا كانت تستخدم النت للدخول لاشياء مفيدة او دخول منتديات مفيدة ما فيها اي مشكلة لكن في منتديات الله المستعان منها اكيد الواحد ما يبغي زوجته او اختة او حتى عياله يدخلونها

[الزهره]

[align=center]
والله لو ماكنت محتايه للنت عادي برضى
أنا يوم أدخل النت أكون بقمة الملل فبجوف أي شي ثاني يشغلني
[/align]

[أسرار]

في رأيي ما بخسر شي لو يلس وياي و تأكد من براءتي في استخدام النت
وإذا ما يبغي عادي ما في مانع بس بشرط يوجد البديل

[الطنيجيه]

انا عن نفسي برضى لو قالي ودري النت بس هو بعد يطلعلي وقته

يعني مو هو اربع و عشرين ساعه يطلع وجي و انا فالبيت محرومه من النت يعني لو وقت الملل بيظهرني

انا راضية اودر النت بكبره

وتسلمين اختي على الطرح

تقبلي مروري اختكم الطنيجيه ..

[الدنيا لحظه]

اذا طلب مني اترك النت بتركه

بس اول يقنعني...ليش