البكاء

[قد الحب]

السلام عليكم ورحمه الله وبركاته

البكاء هو عباره عن دموع تذرف من قبل العين بسبب فرح او حزن((هذا تعريف قد الحب للبكاء))

المهم

من منا لم يبكي الا الان طبعا مستحييل الانسان اذا كان مضايق ومهموم لازم بيصيح واذا صاح ممكن ان يرتاح شوي والانسان اذا كان مستانس لازم بيفرح وفي البعض الدمعه تنزل غصبا عنه

يمكن ما اكون شاطره في كتابه مقدمات بس اكون شاطره بكتابه اسئله

1-هل سبق وان بكيت؟! اتمنى ذكر سبب واحد

2-هل البكاء فقط للبنات؟! شي عباره دوم نرددها لا تصيح انت ريال

3-هل البكاء للرجل عيب؟!

4-هل في يوم من الايام انظلمت؟!

اتمنى منكم الاجااابه


اختكم قد الحب

[Her Highness]

1-هل سبق وان بكيت؟! اتمنى ذكر سبب واحد
هيه وايد واكثر شي يوم اذكر يدتي .... وبعد اذا حد ظلمني واتهمني بشي ماله علاقه فيه ....
2-هل البكاء فقط للبنات؟! شي عباره دوم نرددها لا تصيح انت ريال
لا طبعا بس الرياييل معروفين بقوه شخصيتهم يعني لو الريال صاح بالمواقف البنات شو بيسوون صح الصياح مب عيب بس المفروض الريال هو اللي يصبر ويقوي الحرمه مب يصيح ..
3-هل البكاء للرجل عيب؟!
لا طبعا ليش عيب مافيها شي لو صاح بس مب جدام الخلق عسب ماياخذون عنه فكره غلط ..
4-هل في يوم من الايام انظلمت؟!
هيه واااايد مرات اسوي او اقول شي بحسن نيه والناس يفهموني غلط ويفسرونه بطريقه عكس ماتوقعتها بس عادي كل شي بأجره واللي علي اسويه والله كريم ..


يسلمووووووووو ع الموضوووع

[قد الحب]

تسلمين ام دحماني ع المشاركه الطيبه

[همس الوداع]

شكرا اختي قد الحب على مواضيعج الاكثر من رائعة خاصة الاسئلة وبالنسبة لي وبتواضع شديد

1-هل سبق وان بكيت؟! اتمنى ذكر سبب واحد
نعم_عند موت أغلى الناس

2-هل البكاء فقط للبنات؟! شي عباره دوم نرددها لا تصيح انت ريال
بالتاكيد لا

3-هل البكاء للرجل عيب؟!
مب عيب بس وايد صعب

4-هل في يوم من الايام انظلمت؟!
وايد الصراحة بس الحمد لله اني انام وانا مظلوم ولا أكون ظالم

[ThIs Is Me]

يمكن ما اكون شاطره في كتابه مقدمات بس اكون شاطره بكتابه اسئله

( ههههههههه ما شاءالله علييييييج )..!

1-هل سبق وان بكيت؟! اتمنى ذكر سبب واحد

( نعم .. وفاهـ يدتي والوالد ومعلمتي ومرت خالي ) ..!

2-هل البكاء فقط للبنات؟! شي عباره دوم نرددها لا تصيح انت ريال

( لا طبعا ) ..!

3-هل البكاء للرجل عيب؟!

( لا مب عيب .. بس الرجل معرووف انهـ صاااابر وشخصيته قويهـ ) ..!

4-هل في يوم من الايام انظلمت؟!

( وااااااااايد .. بس من طبعي اسامح ) ..!
اتمنى منكم الاجااابه

( جاوبنا اي اوامر ثانيه خيتو ...؟ ) ..!

اختكم قد الحب

~> جاوبي عاااااااااااااااااااادهـ ..!

[مجرد فكره]

البكاء احد العلاجات النفسية للإنسان....ومن غير فوائد الدموع للصحة العين.


1-هل سبق وان بكيت؟! اتمنى ذكر سبب واحد
نعم بكيت ...مواقف عديده
عند سماع بعض القصص أو المشاهد في بعض البرامج الإنسانية أو الأخبار
او عند موقف معين اشعر فيه أني مضلوم من أقرب الناس


2-هل البكاء فقط للبنات؟! شي عباره دوم نرددها لا تصيح انت ريال

طبعاُ لا...بس له ضوابظ عند الرجل يختلف عن بكاء النساء
3-هل البكاء للرجل عيب؟!
طبعاً لا.....
4-هل في يوم من الايام انظلمت؟!
اعتقد ما في انسان ما يشعر أنه انظلم في يوم من الأيام


شكرا على الموضوع

[soso]

السلام عليكم ورحمه الله وبركاته
وعليكم السلام ورحمة الله وبركاته ..~
البكاء هو عباره عن دموع تذرف من قبل العين بسبب فرح او حزن((هذا تعريف قد الحب للبكاء))
اها وانا بعد ها تعريفي للبكاء..
المهم
هي المهم..~
من منا لم يبكي الا الان طبعا مستحييل الانسان اذا كان مضايق ومهموم لازم بيصيح واذا صاح ممكن ان يرتاح شوي والانسان اذا كان مستانس لازم بيفرح وفي البعض الدمعه تنزل غصبا عنه

يمكن ما اكون شاطره في كتابه مقدمات بس اكون شاطره بكتابه اسئله
اها وانا بعد شطوره بس مب قدج ..هههههه~
1-هل سبق وان بكيت؟! اتمنى ذكر سبب واحد
هي وااااايد مرات أبجي ايام المدرسة ويوم أمي تنازعني ويوم إختي تضارب وياي ويوم أهلي يهملوني شوية
بس مرات أصيح ومب شرط اصيح بالعين مرات اصيح في داخلي يوم اهمل شوية ذكر الله ومرات في الصلا ويوم أبغي اتوب من شيء سوته..
2-هل البكاء فقط للبنات؟! شي عباره دوم نرددها لا تصيح انت ريال
لا ..~صح نسمع ها العبارة وامي مرات تقولها لأخوي الي اصغر عني
3-هل البكاء للرجل عيب؟!
لا ..والله اخوي إلي اصغر عني دلوع عافان الله يبجي مرات بدون سبب مع إنه الحين كبير .هههه
بصراحه انا ازقره مرات بنيه مب ولد ..هههه
4-هل في يوم من الايام انظلمت؟!
هي واااايد وها اكره شيء عندي ..
اتمنى منكم الاجااابه

جاوبت والحين دورج حبيبتي ..
اختكم قد الحب
لا تفرحين وااايد وانا بعد إختج ..ههه

[قد الحب]

يسلمو ع المرور الطيب