المشاركة الأصلية كتبت بواسطة ماريه
بسم الله الرحمن الرحيم ...
السلام عليكم و رحمة الله و بركآآته ..
حبيت افسسر الحلم اللي حلمته امي لي انا و اخواني ..
امي عمرها 38 سنه وهي محافظه ع الصلاه .. و انا عمري 16سنه ادرس و بعد محافظه ع صلاتي .. و اخواني الاثنين واحد 14 سنه و الثاني 17 سنه .. و يقطعون بصصلاتهم احياناً و ابوي بعد ف الحلم عمره 45 سنه تقريباً و قآآطع صلاته ...
الحلم انه امي كآنت رآيحه اتقدم امتحآآن ريآضيآات و هي اصلاً مآ تدرس .. و يوم ترجع البيت يكون عمي و عيآآله موجودين و عآيلتهم كبيره و دمهم ثقيل شوي و نحن مو معهم كثير .. و عمآآتي و باقي عمآآمي يكونون موجودين بس هذيل نحن متعودين عليهم يعني عآآدي ..
المهم .. هي ترجع البيت و تشوفهم .. و بعدين تروحلها مرت عمي اللي سآكنه ويانا ف البيت .. و عمرها 32 سنه .. و تقولهآآ انه ابوي ظربني ..و ظآآربني بظهري و آثآآر الظرب موجوده ف ظهري .. و امي تعصب و تدخل عشان تروح عند ابوي و هي تصيح .. و يوم تسير الميلس الباب يكون مقفول و ابوي يكون داخل و يضرب اخوي اللي عمره 14 سنه و اخوي الثاني يكون موجود دآخل الميلس بعد .. و بعدين احد من اخوااني او اهم الاثنين يطقون ابوي او يدزونه و ابوي يطيح ع الارض .. و امي تدخل دآآخل الميلس عشآآن تتضآرب ويآ ابوي .. و يكون طآآيح ع الارض .. و تكلمه و هو مآ يرد عليهاا ... و كل عماآمي و عمآآتي يكونون معصبين و مب رآآضين عن اللي يصير الا عمي اللي دمه ثقييل شوي و معقد شوي ..
ف امي تكون معصبه و تقول انها بتشتكي ع ابوي .. و بتراوي الشرطه الآثار اللي ع جسسمي .. و تقول انهاا بتقولهم انه هي اللي تعبت عشانا و يابتنا و هي اللي تتعب علينا و بعدين هو جي يسوي فينا .. و ابوي ف الحلم يكون لابس كالعاده كندورته البيضاا ..
و هي حلمت ع الساعه خمس و نص تقريباً الفجر .. و كانت نايمه ع جهتها اليمنى .. و لما صحت كانت تصيح ..
بس ف الحقيقه يعني ابوي مب من النوع اللي يمد ايده ع عياله او شي من هذا .. الشي الوحيد اللي مو حللو فيه .. انه مقصصر ف صلاآآته .. و احياناً يقصصر علينا بالمصروف لانه الراتب يروح اغلبه للديون .. بس الحمد لله ما عليناآآ قصوور ..
و بس هذا الحلم .. و انششاء الله احصل تفسيره .. و مشكوور الشييخ على موضوعك الرائع في تفسير الاحلام ..
وعليكم السلام ورحمة الله وبركاته
على حسب ما جاء في هذه الرؤيا فإنها تدل على الكبت او القهر من الحالة الاجتماعية او بسبب هذا التواجد العائلي في بيت واحد وتوجيه الاتهام لوالدك بالتقصير لتجهيز منزل منفصل لكم عن المنزل الحالي ...
ارجو أن يكون التفسير واضحاً لما هو في معناه ؟
هذا وأن الله اعلم ...
ضوابط المشاركة
