بسم الله الرحمن الرحيم
السلام عليكم و رحمه الله و بركاته

:

امس حلمت ان كنا فقاعه عرس . و ما كان فيه وايدين بالقاعه . اكل ع الطاولات ما كان فيه . و ما كان فيه حتى
طقطقه و اغاني و جيه . و كان فيه توم اطفال ( عمرهم مش اكثر من شهرين ) . و ما اتذكر اذا كانو بنات او اولاد
بس هم كانوا من نفس الجنس . و طول الوقت انا ماسكه واحد و حد من الاهل يمسك الثاني ( اختي او بنت عمي او
بنت خالتي ) . و التوم كانو لابسين ابيض و فيه وردي و اصفر . و عقب انا خذت عباتي عسب كنا بنروح فقلت
لامي : ( مسكيه / ها ) ليما البس عباتي . و امي كانت قاعده صوب الطاوله فلما انا ييت افتح العباه عسب البسها
لحقت مفرش الطاوله و صار عليها نفس الرسم اللي ع المفرش . فقلت : اخيييج توصخت عباتي . و لما ركزت شفت ان
الرسم ع العباه من ورى ( من فوق لتحت ) و كان لون الرسم ابيض . فقلت : الله طبع ببلاش هههههه ، صارت عباتي يديده
فاستانسو الحريم اللي كانو حذالنا و قالو : يبالنا نجرب . عقب ظهرت حرمه و قالت : بلاكم انتوا مب شايفين خير
فقالت لها امي : احسن من هالقميص اللي انتي لابسته مالت عليج . فعصبت و ظهرت . و كانت لابسه اصفر و بنفسجي

ما اتذكر انا و امي شو كنا لابسين ..
راح من عمري 17 .. طالبه ( عزباء ) ..

:

و السموووحه