فيه بنت اتصلت على الشيخ خالد الجبير وقالت له انها تحب ولد عمها
تقول البنت للشيخ انها جلست 4 سنوات تقوم الليل وتصلي ، وتدعي ، وتصوم ، واجتهدت في العبآده عشان الله يزوجها ولد عمها !
الصدمه :
ان ولد عمها خطب بنت عمه الثانيه !!
هي انصدمت وتركت صلاتها و صيامها و اللي كانت تتعبد الله فيه وما صارت مثل قبل وكرهت حالتها ووضعها !
البنت تقول للشيخ الجبير :
وش صار لي ..؟!
ليش تغيرت وليش صار كل هذا ؟!
مقهوره من نفسها ومن وضعها ..
رد عليها الشيخ رد مختصر بس عظيم في معناه
و الله الرد قووي :
قال لها افتحي القران على سورة الحج آيه ( 11 ) بتلقين حل مشكلتك !!
الآيه تقول :
( ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين )
تدرون إيش معنى حرف ؟؟؟
يعني "شرط" .. يعني بالمصطلح العامي عندنا "عطني واعطيك" !!
تخيلو نتعامل مع الله كذا ؟؟
السؤال : كم مره عبدنا الله على حرف ؟!
رد مع اقتباس