اقتباس المشاركة الأصلية كتبت بواسطة حلو الاطباعي مشاهدة المشاركة
مايخص وافدين ولا مواطنين..

لا تعيبون الناس والعيب يكون فاشياء ثانية..ولا تنسون ان لا فرق بين عربي او عجمي الا بالتقوى..

صراحة انا استصغر اللي يفرق بين وافد او مواطن واحس انه ضعيف الشخصية..

بس شو نقول دامه اخر الزمان..وحكايات اللسان..

الحين هم يدورون اصحاب الخبرات القديمة ويفضلونهم على الجدد..والكثير من الاسباب..بالاضافة للغات و...و...و....

الواحد مايقول غير....لاحول ولا قوة الا بالله العلي العظيم..(( تجعل لكم من كل هم فرجا))...
عفــوا ..!!
بس من عطاك الحق تقول انه ماشي فرق بين الوافد و المواطن ... !!!
كيف قدرت تكتبها اصلن ..انت شو ما تحس و لا موب شايف الظلمـ اللي قاعد يصير !!
و شو يفضلون القدامى على الجدد و اي خربوطيشن اش قاعد تقول انت ؟؟؟
و عيالنا اللي درسو و قعدو عشان الشهاده سنين و بنين و اللي تغربو و راحو للخارج لدراسه عشان يحصل شهاده ؟؟
ما تقولي هذا وين يروح و لا اش رايك ؟
اوكي روح انت بلادهم و دور لك وظيفه عندهمـ و جرب تعيش عندهمـ ..و عقب بتعرف شو الفرق ؟؟
سؤال يسدح عمره ؟؟
تعتقد انك راح تحصل نفس المعامله و المميزات اللي يحصلونها في دولة الامارات ..
بدل سكن . بدل مواصلات , تامين صحي, بيت , فيزا حق طوايفه كلهمـ , بدل دراسه , تذاكر سفر , مربيه , سياره اخر موديل . اقول ما باقي غير يشترون لهمـ راشن البيت كل شهــر بعد ههههـ
حقوق الانســان اللي عمرنا ما سمعنه بها قبل ؟؟ سوها عندها عشان سواد عينهمـ .. فهل تعتقد انه راح يكون لك حقوقوك انت كانسان في بلدهمـ مثلا ..؟؟
نحن لمن نسافر بلاد مثلا كشته ؟؟ نحترم نفسنا لانه غرب هناك و محد يعبرنا الا لو عطيناهم فلوس صح و لا لا ..
لكن كل وافد عايش في دوله متهني و مرتاح عل الاخر و الكل يشهد بشي هذا ..
تدري ليش ؟؟ لانهمـ يدرون انه جي و لا جي بيحصلون وظيفه و بيحصلون مميزات اللي عمرهمـ ما حلمو فيه و يدرون انه بلادهم ما توفره لهمـ اصلن ....
بخبرك شي : عدد مواطنين دولة الامارات تقريبا 600 الف نسمه من المواطنين فقط ..
بس تدري كم عدد الوافدين ؟؟ تقريبا 6 ملايين نسمه بـــس واااااافدين ..
سالك , توسعت شوراع , مجمعات سكنيه , تكاسي , باصات و مترو كلها بمقايس عالميه , كهرباء , ماء , تلوث , ارتفاع اسعار السلع .. الحين هذا كله ما يكلف الدوله المليارات من دارهمـ للاخ الوافد اخوي ..!!
تتحرى ها كله حق المواطن مثلا ..؟؟
يعني البلاد عندها وظايف و ملايين دراهمـ للوافدين و ما عندها للمواطن ...!!!
حتى في زياده الرواتب للمواطـــــــــــــــــــــنين فقــــــــط .. الاخ الـــوافد شاركنه فيه .. بذمه موب شي يقهــر .... و المواطنين في القطاع الخاص مالهمـ زياده ليش .. عشان يوفرونه للاخ الوافد مثلا و لا شو ..؟؟
معقوله يعني ..

فلا تقول مره ثانيه : لا فرق بيــن وافــد و مواطــن خيوو اوكي