اقتباس المشاركة الأصلية كتبت بواسطة HAMAD-ALZAABI مشاهدة المشاركة
احب اشكر عمر الحبسي على الكلام الي قاله ويتكلم فيه بدال طلاب المعهد،،،

وانا طالب في نفس المعهد احب اضيف على كلامه واشرح من البداية.

كانت اداة المعهد تروح المدارس الحكومية وتشرح عن المعهد والي فيه من وسائل تعليم وتطورات وفروق بين المعهد والمدارس الحكومية.

١- قالو بيكون في وسائل تعليم مطورة وما بيكون في ضغوطات مثل المدارس الحكومية >>> وفي المقابل شفنا العكس في ضغوطات تقريبا من كل النواحي
٢- قالو بتحصلون لاب توب وراتب واشياء غيرها وقالو الراتب في اول سنة ٧٥٠ وثاني سنة ٨٥٠ وثالث سنة ١٢٥٠ لكن بيخصمون ٢٥٠ كل سنة عشان يدفعون ٣٠٪ من قيمة الاب توب (قيمة الاب توب توصل ٧الاف تقريبا) >> قلنا مب مشكلة . وهاذي السنة في فرع يديد في المعهد اسمه stc ،، وقالو بيخصمون من رواتبنا عشان يعطونهم (رواتبهم ٢٠٠٠ لكل طالب / ويسمح لاي مواطن من صف تاسع لين ثالث ثنوي ان يدخله حتى لو كان راسب في ٣ سنوات )
انا تكلمت عن الراتب مع انه ما يهم لكن في شي قصديته اخر شي ان في تفضيل للفرع هذا من المعهد مع ان طلابنا احسن عن طلابهم بفرق كبير.
٣- شو نسوي في الايام الدراسية : الدوام من الساعه ٧ونص الصبح لين ٣ العصر/ نوصل البيت تقريبا بعد ساعه او نص ساعه اقل شي يعني وصلت الساعه ٤ العصر/ الواحد يحتاج ٧ ساعات للنوم يعني لازم انام من الساعه ١٠ تقريبا / نوصل البيت الساعه٤ ونرقد ١٠ يعني في ٦ ساعات نسبح ونصلي ونتعبد شوي / يعني ما نرتاح طول اليوم الا في النوم .
٤- ايام الاجازة : المدرسين يعطونا واجبات وتقارير نسلمها واذا قلنا مافي وقت يقولون عندكم اجازة ٣ ايام !!!! ( الاجازة للراحة ولا لشغل الدراسة ) من الاسم لازم يفهمون ((((اجااااااززززة)))) يعني نغير جو الدراسة ونطلع ..
٥- الامتحانات:احيانا تكون مدة الامتحان قليلة والامتحان فيه اسألة الوقت ما يكفي انك تخلص الامتحان ولو خلصت ما بتحصل وقت تراجع./ومرات الامتحان قصير لكن الاسئلة يكون حلها طويل ونحتاج وقت وما يكفي طبعا الوقت.
٦- الجدول : الي يشوفه يقول شو هذا النظام ،، والترتيب غلط وفي ضغط على المدرسين.


والباقي عمر ما قصر وقال عنه : مثل المناهج والمشاريع وعدد الامتحانات وعن قرارات وردود الادارة

واخر شي اقول ان شاء الله يكون في حل وتغيير في النظام حتى لو كان التنفيذ السنة القادمة .. وفي طلاب عندهم نفس الكلام بس ساكتين ومنهم من يخاف لكن ما نبغي الا مراعاة الحقوق . وكل ما نروح للادارة مافي اي نتيجة تفيدنا.

وارجو ان الموضوع يوصل لاي حد يقدر يشوف حل للموضوع مهما كان


من الطالب : حمد علي الزعابي / ثانوية التكنولوجيا التطبيقية
____________________________________________________________ _____________________________

السموحة شباب بس المعلومة عن الرواتب مب صحيحة ١٠٠٪ ،، (الي في رقم٢)
حاولت اعدلها بس ما يطلع لي تعديل