السلام عليكم..

الموضوع جدا جدا رائع وراقي..

انا اليوم مسجله وسبحان الله جذبني هالموضوع..

انا عندي بعض الموقف البسيطه تصير لي بس ما عرف شو تفسيرها؟

بعض الأحيان يكون خاطري فأكله معينه من يد الوالده واقول في خاطري: جان زين امي تسوي لقيمات اليوم

ما ينتهي اليوم الا وهي مسوية الأكله..

أكثر من مره أقول جان زين مسويه ،،،،،،، والاقيها مسويه الأكله

(حتى يوم اخبرها اقوللها انا عندي الحاسه السادسه في الأكل بس خخخخخ)
بس امي ما شالله عليها عندها فراسه وقوة تخاطر كبيره

اذا ذكرت مواقفها بحطها...

المواقف الثانيه تصير لي مع زوجي..

مره قلتله ابا اسير دبي ،قال الاسبوع الياي ان شالله
فكلمت اختي يعني ماكانت الرمسه في خاطر ي قلتلها مستغربه اقول حق فلان ودني دبي يقول الأسبوع الياي مب ضاري،، متعوده يقول لي ان شاء الله باجر

نفس اليوم في الليل،، قال لي متى تبين تسيرين دبي؟
وانا على ويهي ؟؟؟؟؟؟ علامات استفهام اقول كيف عرف؟


مره قلتله ابا اسير حق ربيعتي وكان مشغول وما رد علي..
يوم كلمت ربيعتي قلتلها انا كنت بييج بس ريلي اشوفه لبسني ولا رد علي

في الليل :: قال مساعه ترمسيني عن ربيعتج كنت مشغول ،اسمحيلي ،متى تبين تسيرين؟
وانا مستغربببه؟؟؟
(حتى قلتله انت تتجسس علي وانا كنت امزح)


اكثر عن مره تستوي هالسالفه بس مب ذااطره المواقف؟

هل هاي قوة تخاطر؟ واذا كانت نعم،، قوة التخاطر عنده ولا عندي؟

وشاكره لج ردج