الله يعين القصيد بحضرة ازحول القصيد
والله يعين القصيده في ميادين القصيده



عادها تكتب فبوظبي وبين هلها ويوم عيد
يلعن الله كل حرف ماكتبها من وريده

دام ال نهيان لقانه بهلعيد كيف عنهم احيد
منبع طيب وسليل المجد والعز وحفيده



ال نهيان وولد زايد وش ازيد
هذي بس تكفي عن مزاياه العديده

والعقيد لي يقود القوم من ظهر العقيد
والوليده مايجيب الا ولد مثله وليده

شب ياقبس الخيال ثوب اركان الجليد
احطب ضلوع الغلا والحب وشعلها وقيده

وقند دلال المشاعر اول العيد السعيد
لا التقاه الغايب بهله لانشد الجمري بنشيده

وكاهم عطران شوارب ترفد المجد التليد
ال نهيان لاتفاخر كلن بوافر رصيده

القروم لي ليوم الدين يكفيهم رصيد
بسلوم والعلوم يعربيات الحميده



رجلهم وقت شدايد لانتهض للحمل حيد
مابالغ لو اقول ان وغد فيهم فقيده


جايز انه في قصيدي امدحهم وعيد
بس تاريخ ال نهيان من قدر فينا يعيده


يأولى المجد العصامي يأولى الباس شديد
يأولى الفكر الشمولي ياولى اريا سديده

ياولى اصرار الاقوى ياولى الحلم البعيد
ياولى كل شيء يرفع سهم الامجاد ويزيده



ماقول كفوفهم بندق وبن طيب صيد
بعض صيده يات واحد لو بالخطوه يصيده



غير اقول طيب زنزانه وسجن والف قيد
منهم من بين الخلايق بيده وحط القيد بيده


انا الظهوري افخر بكل اماراتي امدح به وشيد
انتمائنا للوطن قبل انتمائنا للبديده

وش نبي أمن وأمان وعدل والحكم رشيد
يكفي انه الحكم يرجع لدستورها القران وشريعه

حكم منهو اقوا باس وانقا قلب واكرم ايد
عدوا كم شعوب عاشت من يمينه ومستفيده


حكم من كفه سيول بلا بروق ولارعيد
بارقه بسمة يتيم وصرخة رمله رعيده

منهو اغلا ملوك واكرم سادات سيد
هذا بو سلطان فديته ورث الامجاد وعميده

واجتمعنا فالعاصمه بين اهلنا ويوم عيد
كل من يسمع كلامي يدعي من اقصا وريده

كلكم بصوت واحد وانا وياكم اعيد
يالله عريس وشعب بخير وبصحه تعيده

الشاعر احمد بن محمد بن علي بن طمروق الظهوري




http://www.youtube.com/watch?v=QK1F9MbW3dQ


http://www.youtube.com/watch?v=VA5PT5Sj3R0



http://www.youtube.com/watch?v=YWNnSc2RTCs


باسمى ايات التبريكات وتهاني

نهنيء سيدي صاحب السمو الشيخ خليفه بن زايد بن سلطان بن خليفه ال نهيان رئيس دولة الامارات العربيه المتحده القائد الاعلى للقوات المسلحه حفظه الله

ونهنيء اخوانه اعضاء المجلس الاعلى حكام الامارات

ونهنيء سيدي صاحب السمو الشيخ محمد بن زايد بن سلطان بن خليفه ال نهيان ولي عهد ابوظبي نائب القائد الاعلى للقوات المسلحه
حفظه الله ورعاه

والى اولياء العهود وشعب الامارات ويعساها دار امن وامان ان شاء الله وكل عام وانتم بخير يعساكم من العايدين كل سنه وكل حول باليمن والبركات