السلام عليكم اخواني و خواتي اعظاء المنتدى الكرام
بغيت اطرح موضوع صرنا نسمعه شبه يومي الا و هو

غلاء المهور

اول شي اقولكم موقفين انا عيشتهم بنفسي

الموقف الاول:

بالدوام قسمنا فيه 8 بنات 2 معرسات و 6 لا و اقل وحدة تداوم ويانا من 3 سنوات
اسمعهم دوم (والله ما برضى باقل من 150 و الثانية تقول ما ارضى باقل من 200 الخ الخ الخ من الكلام الفاضي)
الحين بالعقل و المنطق شو الاهم انه مهرك 100 او 150 او 200
ولا انك تكونين على ذمة رجل

الموقف الثاني:
انا متربي ويا جماعة مواطنين من دبي من مردف ابوهم تاجر من اصحاب الملايين و مالك عقارات
الاب بالرغم من انه تاجر و صاحب عقارات و ملايين لكن زوج بناته كلهم لناس ما يستوولهم بمهر 20 الف فقط
و الشباب 3 كلهم خدو بنات عمهم و كان المهر 20 الف بعد و بنفسي حضرت كل الملجات
يوم سالت الشباب انت الحين دفعت مهر 20 هل تحملت شي اكثر كلهم كان ردهم ( لا والله 20 ما دفعت شي)


الحين اتركم تشاركونا باسباب غلاء المهور من وجهة نظركم