بسـم الله الرحـمن لرحيــم

مووضوعي وايد حلو وصريح جدا

ادش فيه على طوول واراويكم الصور ..

. ~ .



شو تشوفون جدامكم ؟؟ مـسـيد صح ؟؟

ندش المنتدى يوميا ومثل مانعرف الصلوات 5 الفجر الظهر العصر المغرب العشى

ونحن ميلسين ع النت يأذن الله اكبر الله اكبر .. الكل يقول يالله ع الصلاه ف المنتديات تلاقيهم كاتبين وين الاهدائات

أذن ويالله ع المسيد وع الصلاه .. بس ليش البعض مايصلي ؟؟ هل النت افضل من الصلاه ؟؟

نلاقي نك نيمات موجووده وتدش من قسم لين قسم بس ماترد على المواضيع اونـهم يصلون

من يخلصون الصلاه على طوول يرد ع المواضيع !!

ليش انزين ؟ المنتدى والله ما بيطير الصلاه اذا أخرتها تأثم عليها . ليش مانقول الصراحه ليش نجذب ونقول صلينا ؟

. ~ .



منـو هاييل ؟؟ الشباب يمكن مايعرفون بس تسأل اي بنت عربيه مسلمه بتقلك ها مهند وهاي نور اللي يمثلون ف

مسلسل اسمه نور ويعرضونه على ال mbc ومهند مضارب ويا نور و و و و و و و .. الخ

تدش المنتدى تلقى موضوع يتكلم عن المسلسل هذا وكل بنت مسويه عمرها قويه وتقول كل اللي يشوفون

المسلسل ماعندهم شغل ومسلسل تاافه وما اشوف انه مهند حلو ومهند خسف ومهند مادري بلاه...

ومن هناااك تلاقي هاي البنت ميته على مهند وما تفوت لحظه وحده من المسلسل وحافظه كل دقيقه وكل ثانيه

ف المسلسل هذا ..

ليش انزين ؟ قولو الصراحه ترا انتو بتكونون صريحين والكل بيلاقي حل للمشكله هاي ليش نجذب ونقول ماشفنا ؟

. ~ .





شو تشوفون ؟؟ وحده حاطه على راسها نخله صح ؟ ولا هاي موظه ؟؟ حد يخبرنا !!

طبعا طبعا طبعا البناات يدشون ويقولون هاي فاسقه وهاي اهلها ماربووها وهاي ماتستحي على ويها

وهاي ماعندها مذهب !!

ومن هناااااك تلاقون هايل البنات رواااااحهم يسوون ها الستااايل وألعــن بعد تسألهم ليش يقولولك مووظه

انزين تووكم تسبوونهم ليش تقلدوونهم الحينه ؟؟

ليش انزين ؟؟ قولو الصراحه ممكن انه الواحد ينصحكم ويخبركم بالاثم اللي تاخذونه ! ليش نجذب ونقول ماسوينا ؟

. ~ .




شو هـذا ؟؟ شريط اغاني صح ؟؟ << لاتسألوني من وين يبت الشريط خخخ

ينكتب موضوع ف القسم الديني وينصح الشباب انهم مايسمعون اغاني وانه الاغااني مضره للأنسان

ويأثم عليها ..

والشباب ماشاء الله عليهم مب مقصرين وتلاقي فلان يقلك الحمدلله انا ما اسمع المنكر هذا

والثاني يقلك الله يبعدنا عن الفسق هذا والثالث يقلك لالا نحن مانسمع اغااني الحمدلله ..!!

ومن هناااك تلاقي كل واحد حاط ف توقيعه اغااني !! ياخي شو ها التنااقض توك ماتسمع والحينه ف توقيعك اغنيه ؟؟

يقلك لالا ها مجرد توقيع >.<

ليش مانقول الصراحه نسمع اغاني شوفيها اعترفنا بغلطتنا وياارب تهدينا !! ليش نجذب ونقول ماسمعنا !!!

. ~ .

مووضووعي مب موجه للكل هناك فئه معيـنه موجووده وهاي الاشيا فيـها

انا اسوي بعض الاشيا هاي وما بجذب وبقول مااسوي !!

برايكم .. ليش الجذب ؟؟ ليش محد يقول الصراحه ونتنااقش المنتدى للافااده والاستفااده ..

المفروض الكل يكون صريح وواقعي .

اسمحولي ع الاطاالـه وان شاء الله يعجبكم موضووعي اليديد



منقول ^^