صحار..

[الصغيرونهـ ~]

مراحب..
شحالكم؟ ان شاء الله بخير

السبت رحت عمان وبالتحديد صحار
مدينة جميلة ما كنت ادري عنها بس للاسف
الرحلة مدتها يوم بس كان ودي انطول بس
ما صار رحنا السبت وردينا الاحد لان مدارس
وما يصير نغيبهم اكثر من جيه رحنا كذا مكان
بس اكثر شي عيبني مركز صحار الترفيهي
وكورنيش صحار..
لو يسون لنا بالرمس منتزه ولا مركز صغير
ما يكون فيه العاب وايد بس اهم شي يكون فيه زرع
عشان نسير مع الاهل نقعد نغير جو ويكون في مكان مخصص للشوي
ويكون ثراثي بنفس الوقت ويسون فيه فعاليات بين فتره وفتره هذا اقتراح مني
تبون الصدق هو مو اقتراح حلم لاني دوم احلم ان يكون عندنا مثل جيه حتى الكورنيش
ليش ما يسون لنا كورنيش بحرنا حلو..
بصراحه كورنيشهم حلو ونظيف تمشينا وقعدنا عالكراسي وشربنا بارد..

عاد الحين اخليكم مع الصور ..ما صورت وايد لاني استحيت من الجماعه اللي معانا..

دوار صحار..

هاي صور من مركز صحار الترفيهي..

هذا اول ما شافني اصد صوبه يحليله وقف عشان اصوره..

اذكرت ايام اول يوم اتمريح..خل نعلمهم كيف نتمريح قبل مو مريحانات اليوم (مول مو شي)..

وطلعنا من المركز بعد ما كلنا لحم مشوي والنغر..مشاكيك على قولتهم..ما حطيت الصوره
عشان ما يدخل خاطركم بعد..ههههه
.
.
عقب رحنا الكورنيش مالهم..

اقولكم الكراسي كانت من بداية الكورنيش للنهاية يعني تتمشون ومتى ما تعبتوا تقعدون
مو كرسي وبعدين مســـــــــــــــــــــــــــــــــــــــــافه وبعدين كرسي..صراحه ترتوب..

وهاي سيارتنا وسيارة الجماعه اللي كانوا معانا من صحار..

اتمنى تعجبكم الصور..