السلام عليكم ورحمة الله وبركاته

حبيت احط هالموضوع اللي قهرني وااااااايد واتمنى ان الكل يشارك برايه ويقولي لو كان مكاني شويسوي؟؟؟

انا اتخرجت ولله الحمدلله وحاليا اداوم في ابوظبي العاصمة وكالمعتاد ادور سكن المشكله اللي توقف في طريج كل واحد في هالامارة اللي للأسف صارت عملية العقار فيها عملية إجرامية من الدرجة الاولى والكل صار يشارك فيها واولهم وعلى راسهم الوافدين والمصاروة والزلمااااااااات

طبعا رحت وشفت شقة متواضعة ملحقة بفيلا والشقه غرفة وصاله وبسعر معقول مناسب لان الشرطه هي اللي تدفع على اساس اني ظابط عالعموم استانست واااااايد ورحت اكلم مالك الفيلا وتفاجأت في هاللحظة لان المالك سوووودانية مواطنة ( يعني متجنسة وماشالله تملك حرررررر )

طيب كلمتها وطبعا اللي لاحظته ان معظم اللي ساكنين بهالفيلا زلمات وجانب ومصاروة انا قلت يالله مومشكله كلمتها بس للاسف تفاجات كلمتني بطرف خشمها وقالت اسمحلي مابأجر لك لأني ما أأمن لك ( يعني ولد البلاد مو مامنة فيه مامنة للاجنبي ) قلت لها الشرطة بتدفع لج قالت وبكل وقاحه سوووري ماأأمن للشرطة لانهم يطولون سمعو الوقاحه قلت لها وشوالمطلوب قالت اقولك كلم المكتب رحت للمكتب على اساس وسيط طلع واحد لبناني وبكل وقاحه يقولي بحاول ويا المدام ( السودانية صارت مدام واللبناني صار يتوسط لولد البلاااااد ) عشنا وشوفنا

وقعدت اتريا فترة ورد لي خبر حظرته يباني ادفع له مبلغ عسب يتوسط لي ووافقت وقالي تدفع لها عربووون عسب تضمن حقها ووافقت وثاني يوم الصبح اتريا العقد يجهز عسب اروح اسكن واستقر حالي حال اي واحد تفاجأت يتصلي ويقولي اسمحلي المدام ماوافقت لانها ماتضمنك ولاتضمن الشرطه قلت له وبكل أسف وقهر من داخلي بكلمها ليش مو طايعه قالي وبكل وقاحه


المدام ماتبغي تناقشك بالموضوع


تخيلو عاد الموقف انا اوني ولد البلاد ماتبغي تناقشه وحضرتها ماجرة وضامنة الاجانب لوووول

شرايكم بالموقف العجيب اللي حصل لي قوووي صح ؟؟

ابغي اراءكم بلييييييييييييز

والسموحة عالاطاله

احمد