بسم الله الرحمن الرحيم

اشحالكم يا اعضاء منتديات مجالس الرمس ..
بس انا خاطري اعرف ليش يوم اكتب شيئ او أرد على مشاركة مثلا تطلع لي هالرسالة السخيفة


((شكرا لمشاركتك! مشاركتك لن تضاف حتى تتم الموافقة عليها من قبل الإدارة. سيتم الآن إعادتك الى المنتدى))>> خلاص عيل اكتبو بالمرة (( سيتم اخراجك من المنتدى)) حق شو تعيدوني !! دام ان الكلام الي اكتبه ماتظهر على الصفحة ..




انا الصراحة اول مرة اشوف جي في المنتديات يا ماشتركت في منتديات معروفة على مستوى الوطن العربي ومنتيات اجنبية مايسون هالنظام الغريب !! مرة أحس يوم رديت على مشاركة جني سبيت ولا قلت شيئ ولازم يقرون مشاركتي قبل ماتظهر ع الصفحة اشمعنى انا بالذات جي..؟ ابا اعرف انتو الاعضاء بعد نفس الشيئ ,, ولا حق ناس وناس؟
لان الصراحة اشوف هالشيئ مالها لزمة دام شيئ مشرفين ومراقبين راح يحذفون المشاركة المخالفة للقوانين ............ حق شو مسوين هالنظام ..وانا كتبت كذا مشاركة والحين ادش على الموضوع الي كتبت فيها مشاركتي ما احصل فيها مشاركتي !! مع ان تعليقاتي كلها سطحية جدا .. !! والله ما صارت هذه

والله لو جذا خلني اذلف واجلب ويهي احسن