شِفْني متيَّمْ من الليعات باشكي لك

مغْرَمْ وْعندي وقّفت كل حِيْلاتِكْ

يا مالك الروح ما يَتْني مراسيلك

وانا منامي بايت بْحَر لَيْعَاتِكْ

لو بابدع الأوصاف والشِّعِر ينحي لك

وصفك يحيّرني يلى شِفْت بَشَّاتِكْ

ليلك على الأرداف بالوصف يشكي لك

نور القمَرْ يسفر بنظرة ملاحاتِكْ

فن الهوى ياني على كل ما ايّي لك

يا نايف العود لى تسحر دعيَّاتِكْ

إن غِبْت عَنّي موتي في جِدَمْ رِيْلك

والحب ما يرْحَمْ غريمٍ بعِلاَّتِكْ