بـــسم اللـﮧ الرحمن الرحيم
السلام عليڪم ورحمـﮧ الله وبرڪاته
شحالڪم ؟
أخبارڪمـ ؟
الموضوع من عنوانه
تعلم الشل ع تايرين .
ڪيف تشل عَ تايرين (( نيسان ))
_اول شي لازم يڪونن التواير 900
2_نوعيه التاير 900 ينقسم الي قسمين play6 و play8
وانتو لاحظو على التاير على الجنب بيڪون مڪتوب عليه يا سته او ثمانيه .
3_ اذا ڪان نوعيه التاير سته بلي لازم تعبي التواير 65 اما اذا ڪان ثمانيه بلي لازم تعبيه 85 لا تخافون يستحمل و ما بينقع حتى لو وصلته 90 و تقدر تشتري مڪينه مالت الهوى من محلات الزينه بس عقب ما تخلص شل تخف الهوى .
4_ النيسان احسن شي حق الشل و خاصه الفتڪ (رأي شخصي ) .. وعندڪ الستاندر بعد فنتڪ
5_ لازم تسير فدوار او مڪان واسع محد ايه علشان محد يخرب عليڪ
6_تحطه فقير ثلاثه و تڪون على سرعه 70_80 و تڪسر عليه مره وحده من تشوفه اشتل ودر ريلڪ عن الريس و مشيه على سرعه 40 او 45 .
7_ لازم التواير ما يڪون فيهن بولش (بولش= بخاخ تلميع التواير )
8_ الشل الصراحه سهل و من ابسط ما يڪون بس انته اول ما تي تشل بتڪون خايف بس مع الايام انشالله بتتعلم اول شي بتبتدي تعرف التاير الي قدام و مع الايام التايرين و الشل يباله واحد ما يخاف و يصبر مب انه ما اشتل وايد يعصب لازم تبتدي خطوه خطوه
9_ لا تستخدم الدف لڪ في الشل لانه يخرب الدفريشن و يستحب انه يڪونو راڪبين وياڪ 3 او اربعه علشان يڪون اثبت
10_ سوال يطرح نفسه هل في احتمال ان النيسان ينقلب من الشل ؟؟
الجواب: نادر من ان النيسان ينجلب من الشل اذا اتبع التعليمات الصحيحه انه ما يڪون حاط على التواير بولش و يوم يشتل النيسان ما يتم على ريسه اذا تم على ريسه اڪيد بينجلب لازم يوم يشتل يشل ريله عن الريس
ملاحظه : ڪل ما عبيت التاير هوى اڪثر ڪل ما ڪان احسن حق الشل يعني تاير النيسان لازم يڪون شڪله مثل حرف U من ع الطرف ..
و ان شـاء الله وصلت لڪم المـعلومه
رد مع اقتباس