وش تبون !!؟

لاتعالوا امزح



هالقصة القصيرة تدور حول عائلة صغيرة مكونة من أب وأم وبس ( ليه احد قايل ان العائلة تتكون من حوض سمك )

الأبو عطيناه اسم سعيد والأم سعيدة والواقع عكس ذلك تمآمآادري الأسم مهوب زين بس مشوها هالمرة .. لأن الأسماء كلها خلصتها في مواضيعي السابقة ولا لقيت الا ذولي اتركوا القشور الحين وخلونا في الزبدة

(سعيد ) آسمعي ترى اليوم بنطلع عازمك ع عشاء في مطعم 5 نجوم يالله من قدك بتكشخين على خواتك عقب ايام البخاري وبتصيرين تروحين لمطعم وتقعدين ع كرسي وقدامك منيو تختارين منه
(سعيدة ) ومن قالك اني فاضية اليوم معليش حبيبي انا معزومة عند صديقتي وآجلها خلها بعدين كيف كيف !!؟ ومن سمح لك تعطينهم موافقة بدون ماتاخذين رأيي ( سعيدة ) معليش حبيبي انا وعدتها خلاص وتوقعت انك ماراح تردني وانا من زمان مآشفتها : ( سعيد ) شوفي هالمرة بس بسمح لك لكن المرة الجاية بيصير علمن ثاني ( سعيدة ) لاماعليك حبيبي اوعدك اني انا اللي اعزمك المرة الجاية ( سعيد ) نشوف

* طبعاً مرت الأيام وسعيد يحتري هالعزيمة اللي مابعد جت وقال يمكن نست ( جل من لايسهو ) وش سوى اخونا سعيد قال خلني افاجئها بشيء حلو يذكرها بالعزيمة كود يتحرك الاحساس !!؟

( سعيد ) عندي لك مفاجأة ياحبيبتي ادري يمكن من المفاجأة يطيح قلبك وتجيك جلطة بس هالمرة اقولها لك هذا واقع وليس حلم
( سعيدة ) وشو وشو ( سعيد ) لا لا توقعي ( سعيدة ) وشو عاد بتقول ولا لا ( سعيد ) شوفي ياحبيبتي بكرا بحجز تذاكر ونبي نسافر يومين نغير جو .. اخذت اجازه وقلت اسويها لك مفاجأة ( سعيدة ) حراااااام كان ودي ياحبيبي اننا نروح بس شفت صديقتي اللي رحت لها ذاك اليوم معطيتني كرت زواج لعرس اختها وهي ملزمة علي مرة مرة واذا مارحت بتزعل ( سعيدة ) طيب واذا اعرست الله يوفقها مهيب اختك ولا بنت خالتك اخت صديقتك ياخااااااااال ابوي حك ظهري ( سعيدة ) لا لا ولو لازم اوجبها هذي صديقة عمري واخاف تزعل ( سعيد ) طيب وآخر كلام ؟؟؟! ( سعيدة ) خلنا نأجلها حبيبي معليش هالمرة بس ( سعيد ) اقولك انا قدمت اجازة يعني خلاص الموضوع منتهي ( سعيدة ) مو مشكلة كنسلها وبعدين ناخذها ونسافر ( سعيد ) خلاص براحتك
طفح الكيل عند زميلنا سعيد وكل الطرق مسدودة بينه وبين زوجته .. بعد تفكير عميق في الموضوع انه يتوصل لقلب سعيدة ويحاول يفهمها ان الوضع هذا مايصلح ابداً ابداً اقترح عليه واحد من زملاه انه يحط لزوجته ورقه ويكتب فيها اللي بخاطره لأن التواصل بعض الاحيان مايجيب نتيجه وجهاً لو جه فـ يكون التواصل غير المباشر افضل الحاصل ان سعيد دخل النت وتطيح عينه ع أغنية ويتنقى بعض الكلمات اللي فيها ( يقالك جايبها ع الوتر الحساس ) ويكتبها بورقة ويحطها ع التسريحة ؟؟؟
آهتم فيني .. آهتم .. حط بالك عليا
سكني بروحك وعينك وقلبك

حافظ ع آهل القلوب الوفية .. مو كل يوم تلاقي واحد يحبك
آهتم فيني .. آهتم .. حط بالك عليا

آنا لك وودي وتكون آنت ليا
ياشين غيباتك ويازين قربك

آبسط حقوقي انك تحس فيا
وآحس اني بكل الاوقات جنبك

آهتم فيني .. آهتم .. حط بالك عليا

بعد ثلاثة أيام فقط من حط الورقة ع التسريحة يجي مسج ع جوال سعيد ( سعيدة : حبيبي انا طفشانة واقترحت ع بنات خالاتي ناخذ استراحة وآهلي معنا وبطلع معهم كم يوم نغير جو )
في هاللحظة سعيد يقلب المسج يمين يسار ؟؟! وبينه وبين نفسه يقول طيب انا عرضت عليك اسافر فيك نغير جو ورفضتي للدرجة هذي صديقاتك ماخذين عقلك بعد كل محاولات سعيد الفاشلة للتقرب من زوجته تبلد عنده الإحساس .. وصار مايهتم ..

( سعيدة ) حبيبي اليوم بطلع لجمعة صديقاتي اللي درسوا معي بالجامعة ( سعيد ) صحيح والله بتروحين يالله حسافة طيب وش المطلوب ( سعيدة ) لايعني جايه اشاورك ( سعيد ) آها تشاوريني لاماعندي مانع روحي ومتى ماتبين تجين تعالي أي وقت تحسين انك اكتفيتي من الجلسة تعالي الباب مفتوح

* سعيدة عقب ماشافت زوجها مايعطيها وجه صارت تشاورة وتاخذ رايه ولكن .... في خلال جمعة من الجمعات لصديقات سعيدة قرروا انهم يروحون للملاهي يقالك تجديد شباب ع غفلة المهم ان سعيدة ارسلت مسج لسعيد فيما نصه ( حبيبي بروح اوسع صدري مع صديقاتي للملاهي .. والأسبوع الجاي عازمتك ع العشاء موافق اروح ولا لا ) رد عليها سعيد بمسج ..
(.. مآعآآآآآآد تفرق .. وجودك وعدمه واحد )


امسكوا رجالكم في احد لاقي يعرس


من ما تصفحت ههههههههه وراقت لي~

لولي ~