رَمْسَـآويّه وَكِلّيْ فَخَـْر فِـي سُـورْيَـآ . .

[رمساوية وكلي فخر]

السلاآم عـليكم ورحمة الله . .

،

من متـى وانـآ اقول بنزل لكم صـور عن سفرتي لسوريـآ هالسنـة . .

الحين تقريبـآ من 3 اسـآبيع يـآيين وانـآ للحين مـآ نزلت شـي . .

مرتبـه الصـور ومعدلتنهـآ لكن مـب طـآيعه انزلهـآ الا لمـآ يشوفونهـآ اهلي اللي مـآ سـآروا ويـآنا . .

قلت يمكن انزلهـآ قبل مـآ اراويهم ويشوفونهـآ من المنتدى . . لكن انـآ مسويه مفـاجأه ومحطيه الصـور في الموفي ميـكر . . واليوم اتفيجت ورآويته لهم . .

تـاريخ الرحله : من 4 - 7 - 2009 م إلى 25 - 7 - 2009 م

هذي الصـوره بنت خالي مصورتنهـآ مـآخذه الكـآم عني . . وهي يـآلسه عند الجنـآح وعند الجـآمه امـآ انـآ فـ في النص ><

اول طلعه لنـآ على جبل قـآسيون . . تقدرون تشوفون دمشق كلهـآ

هذا المكـآن يسمونه الجندي المجهول . . قبل كانت معركة او ثورة شي جي فـ الجنود اللي ماتوا وما عرفوا هويتهم دفنوهم هنـي . وكل سنة تمر مناسبه ويوون الكبـآر يزورون هالمكان . .
للعلم : صـآله كبيره موجوده تحت . .

نهر البردى . لكن للأسف محد مهتم فـيه ><

السموحه الصـوره مهتزه لانه كنـآ في السيـآره -.-

هذا القصـر بشـآر الاسد يستقبل فيه كبـآر المسؤولين . .

مطعم أوبـاولين . صـرآحه رووعه حجزنـآ لنـآ صـآله كـآمله عسب ناخذ راحتنـآ =]

السوريين اكثر شي مناسباتهم تكون يوم الخميس او الجمعه . . فهاليوم كـآن عرس وآحد < الله يهنيهم =]
في البنـآيه اللي حذالنـآ . . انـآ مـآسكه الكـآم واصـور وخالتي مـآسكه كاميرا الفيديو تصورهم خخ . .

اعراسهم بسيطه وما يكلفون لاعمـآرهم . . مرتاحين مـآِشالله . . يعني بس هـآجي يزفون المعـرس . . ويدخلون دآخل البنـآيه يتعشوون . .

> المعرس اللي بالنص . لابس كرفته بيضـآ خخ

هذا في المسـآحه اللي تحت البنـآيه . . مـاشالله كلهـآ خضـرآ . .

عندنـآ لووز

بالعافيـه علينـآ

هني كنـآ معزومين عند نـآس نعرفهم في الزبداني . . وهذي الزرآعه . .

تجهيزات للذهـآب لـ صلنفه وكسـب . . بيّتنـآ يومين . .
> بـآمبرز حق علآوي ولد خالي

الله لآ راواكم المكـآن اللي يلسنـآ فيه >< يلوع بالجبد . .

استاجرنا شقه دورين . . الدور اللي تحت موول مـب شي لآ مرتب ولآ منظف .

امـآ اللي فوق احسن . . [ مـآ حصلنا شقق ثـآنيه ماشالله الكويتين تـآرسين المكـآن ] الله يحفظهم .

اللي فوق يلس فيها خالي ومرته وولده وخالتي وبنت خالي

والبـآجي نحن تحت . . الحمدلله مـآ صـآر فينـآ شي . . يـآ كثرهـآ العنـآكب ><

يـآيه برقد ع السرير يهتز . . وفوقه عنكبوته . اطـآع السقف عنـآكب اشكثرهـآ >< والصـآله الغنفـآت كل وحده اخـس عن الثـآنيه . بس الحمدلله مـرت الايـآم على خيـر . . =]

اطـآعوا الـ TV هالكـبر -.-

افتقدنـآ TV ألشقـه -.-
كنـآ دوم نشوف عهد الاصدقـآء . فاتتنـا الحلقات بـ هالـ 3 ايـآم ><

هذي الصـور من فوق اليبـآل في صلنفه وكسب . .
الصـوره اللي قبل هالصوره اللي فيها الغيوم نـآزله . هالمكـآن بـآااارد ثللج .. وهوواا . .
مـآقدرنـآ ننزل . . حتى بصعوبه وصلنا المكان . اظنيه هذي اعلى منطقه في كسب . الغيوم تتحرك بسرررعه وعندنـآ يعني . الحريم مـآ نزلن لكن الريـآييل نزلوا وراكبين السيـآره ثيابهم كلها مـآي . كله من الغيوم .

والجمس اللي نحن رآكبين فيها يهتز بكبره من الهوا . وفي وآحد ويـآنا الجـآمه اللي ع الجنب في سيارته طـآحت عنه . .
والريـآييل من اشكـآلهم مـآ رايمين يودون عمرهم . وصعب يمشون من الهوا . .
مـا طولنا لانه بدت الدنيـآ تغيم وما نشوف شي . . بس ونـآسه =)

عقب نزلنـآ . ورحنا هالبحيره . . مـآذكر شو اسمهـآ

حد يبـآ ثووم ؟. مفيييد جدا للصحـه ^^

هذا برع مطعم تغدينا فيه في كسب . . شكلهم مقطعين الثوم ومعلقينه . .

اطـآعوا عبـآتي كيف صـآرت .. عقب مـآ رجعنـآ من فووق .. >< عـآد هناك مآشي غسالاآت عدله . .

فاضطرينا انه نغسلها يوم بنرجع الشقـه

بنت خالي مـآشالله شـآده حيلها وتغسل ويـآنا العبي والوقي يوم رجعنا . .

صح عندنـآ غسالات وشغـآله . لكنها وحليلهـآ مشغوله .

ومـآ غسلنا العبي بالغساله عسب مـآ تخترب . احسن باليد . .

[ سمّوا بالرحمن على شويخ بنت خالي ]

آخـر طلعه لنـآ . . سرنـآ تغدينـآ في مطعم جنة بلودان فوووق في منطقة بلودان . .

والصـرآحه رووعه المطعم . . تحسون كانكـم في بلاآد خليجيه . . اغلبهم خليجين . .

قـولوا مـآشِالله . .سمّـوا بالرحمن ع الفـلوس
> انشوفهـآ وآيد لكن لـو تردونهـآ لحسـآب الامـآرات . اقـل بوااااايد

شـو هذا ؟. خمنت مليـون احتمـآل احسهم مـآ ينفعون . .

من فـوق في الطيـآره اغلب الوقت وانـآ اشوف هذا المنظـر .؟ طبعاً اسيـر صوب خالتي اللي يـآلسه عند الجـآمه واصـور . . -.-

اللي يعرفـه يخبرنـي . ! مـآ عندي اي معلومـه عنـه !!.

سمـآ الامـآرات

الرمـس دآر للمحبـة والإيمـآن . نترابط بحب وعلاقات وطيـده . < مـآ حافظتنهـآ

ووصلنـآ الرمس بسلاآم . .

كنت ابي اصـور اللوحه اللي مكتوب عليهـآ الرمس . . بس السواق مال المطـآر يـآيبنا مـآ يصير اقوله وقّف بصـور

والحمـدلله ع سلامتنـآ . . انشـآلله استانستوا ويـآيه في هالرحـله .

سوريـآ مكـآن ولآ ارووع . . عـآملوا اهلهـآ باحترام بيردون لكم باحترآم . .

همووسـه : تعبت وآيد وانـآ اسوي الموضوع . . يعني باختصـآر مـآ ابي ردود سطحيه . ابي رآيكم في الموضوع والصـور . .
أدري اني مـآ اعرف اصـور . . لكن انـآ ابي اراويكم [ سوريـآ ] . . =] . . والسموحه من اللي يتابعون خلف الكواليس ابي اشوف ردودهم =)