سبحان الله بعض الردود تشعبت عن الموضوع الاصلي ودشت بالمقارنات بين الامارات مثل ان دبي فيها هنود وزلمات ؟ شو هالرد بالذمة ؟! وبعد ما تبغون حد ينتقد يا هل راس الخيمه شوفوا طريقة ردودكم وانتو احكموا عليها !
بالنسبة لي انا شاهدت المسلسل وبعد ما عيبتني طريقتهم في تسليط الضوء على راس الخيمه بهالطريقة الشخصيتين اللي مثلو راس الخيمه مقصرين على عمارهم في لبسهم بس هم عندهم كرم في العطايا والهدايا ( يعني يعرفون يهدون عنز ولحم عيل وورد جوري مقتطف من بيت حمر عين ) ما يعرفزن يلبسون وهذا ادنى شي في حق نفسهم .. وهذا يدل على ان انهم شخصيتين عندهم خير مب ان ما عندهم شي بس فيهم بخل على عمرهم .
الشي الثاني اليده ضبابه يوم سارت راس الخيمه ما قدرت تيلس فيها لنها وصخه وبو منيجيب قطعها ( البو منيجيب يعني الحاس عند هل راس الخيمه والبعوض للي ما يعرفه ) هل راك لهالدرجه من القذاره مع ان الحاس في كل العالم .
واللي مول ما عيبني في المسلسل ان الرجل الاماراتي والعايله الاماراتيه العريقة واللي خايفه ربها ما بتخلي الولد يتزوج مسيحية والاب عنده هذا الشي عادي وفوق هذا كله تاكل لهم لحم خنزير والاب هو اللي يتعنى ويسير عشان المسيحية ما تحب تاكل لحم عادي ..
المسلسل قدر يضحك على البعض بشكله الكوميدي لكن محتواه ومضمونه فيه اساءه مب بس لهل راس الخيمه بالامور العادية لكن اساءة للاسره الاماراتيه اللي اساس المجتمع .
بتقولون يصير وهذا الواقع وانا اقول نعم هذا الواقع لكن نحن ننكر هالواقع والاعلام او الفن يطرحه على شكل قضيه او مشكله ولازم تحل لكن المسلسل عرض المشكله وتغاضى عن الحلول وهذا اللي يضحك في المسلسل كله ...
ودمتم بود