القصيدة مهداة الى كل اخت في ايام عرسها



ألف مبروك اخيتي تقلج الروح
او توديلج سوالفهة الحزينة
ياشمعة حياتي وشمعة البيت
افرحي وداعت الله وفرحينة
يا أجمل اخت عاشت بالعيون
اخوج من الفرح دمعت عينة
وابوي انكسر ضهره وهو تدرين
مريض ويكسر الخاطر ونينة
يومية بغرفتج يحرك الروح
يصرخ وينها ابنيتي الحنينة
اقله اتزوجت خل نفرح اليوم
يعاين عالسما ورافع ادينه
الاهي احفظها بنتي يارب العباد
وبحق من صلى على نبينا
وخطية أمي شكثر صبتلج ادموع
وعلى سوالفها كل احنه انجوينا
سفينة البيت قالت واختك شراع
بغير شراعنا شتسوه السفينة..؟
واخوي شقد صلب بس شفتة هاليوم
غريب وكلهم اهله امفارقينة
ماطاحن ادموعه واني احس بيه
طاحت روحة وانتي التودعينة
وانه بكل يوم أجي والقاج بالبيت
وادق الباب وانتي التفتحيـــنة
وهسه البيت وحشة او مضلمة الدار
وبعد كل نور مايقبل يجينة
شعلنه شموع عرسج بين العيون
الف على الخير قلناها وبجينة



بسلامة خواتكم