ولما استحكمت حلقاتها فرجت وكنت أظنها لا تفرج

[وزيرة التربية]

صراحه يا اختي كلامج قوي جنه السكن البنات صاير آفه وما ينعاش فيه


البنات نوعيات بتشوفين الزين والشين وظاهرة البويات مب شي يديد على السكن طالبات ولا تنسين يوم كنا بمقام واحد كانوا يدورون البويات ويعاقبونهم ويقفونهم عند حدهم شي قانون صدر كورس اللي طاف .,


والمدامات مب مقصرات اذا وحده ضايقة فيج روحي عند المدام وبتوقفهم عند حدهم الغرفه مب لهم بروحهم

وعن العري انتي تبينين انه البنات مفاسيخ بالسكن وهاي صوره بالمره مب زينه بحق البنات يعني الحين اللي بيقرى كلامج شو بيقول والله انا عايشه بسكن مب يوم ويومين بكمل 5 سنوات وفي قانون للبس المحتشم بسكن وما تغير على مر هاي السنين .,واذا البنت خالفة سكوها انذار .,

سكروا السكن وين بنعيش بشارع ...!!!


اختي نحن بنات مقام 2 يوم نقلونا وينا على مقام 1 تعودنا عليه لانه نفس الشي لكن يوم يابونا 4 حسينا انه الغرف غرف بتان كل شي صاير غير مكان دراسه تغير كل شي تغير وكل شي صار فجأه اثر فينا وبنفسياتنا والفتره كانت فترة امتحانات ودرجاتنا صارت داون .,

يعني ارغمونا على شي نحن مب كنا متوقعينه .,



والله المسؤلين مب مقصرين ودليل السكن اليديد اللي سوه لنا وكلفهم شو كثر ., وانتوا شايفين بعيونكم لليل ونهار يشتغلون فيه ., بعد الواحد يراعي الظروف اللي صارت بمقام 1.,,


وقالت مسؤلة السكن انه المشكله كانت الماي بالسكن اليديد وقالت انه مستحيل ننتقل هذا الكورس لا مقام 2 ولا السكن اليديد

يمكن بس تسجيل اسماء وغرفه وتسكين .,, خلونا نصبر وبنشوف شو مصيرنا ., على قولتها بنات مقام 1 لاجئات .,,

عينوا خير والله بيفرجها .,



ومشكوره وزيره قريت الايميل اليوم وان شاء الله خير .,, واحد للازم يتوكل على ربه والله يعينا ويصبرنا.,



.......

خلونا بموضوعنا ... (الفرحة تعم بنات السكن)
أختي خاطري أرد ع الكلام الي قلتيه بس ما فينا نكبر هالسوالف
وشباب يقرون الي نكتبه فما فينا نفتح مواضيع ندري انا ما بتفق فيها
أنا أشوف الأخت ما قالت شي غلط والله أنا يوم أطلع من الحجرة والله خاصة يوم الأربعا ما أدري وين أفر عيوني أحيس ويهي يمين تطلع وحده أحيسه يسار تطلع لي وحده
وعلى فكره أنا كنت مسافره دولة أجنبية فالصيف الي طاف
طافو علينا شلة بنات أجانب جان أقول (ذكروني ببنات السكن)
والله طلعت مني بالغلط
وأشكرج ع المرور