الصراحه ترددت وخفت قلت الحين بتنكشف اوراقي ههههههههههههه
1/ نبذه قصيره عن حياته بشكل عام ؟
بجر امي وابوي الكل يقول اني دلوعه وفيني نوع من الخقه اعتقد لاني ماكنت اسولف وايد و يمكن بعد لاني كنت من بينهم البنت اللي دوم لبسها مميز وكل سنه تسافر واغلب اغراضي من برا او من البلاد بس احب اختار الاشياء الغريبه واليديده دوووم ,,,الحمد الله علاقتي بأمي قويه يمكن لان فرق العمر 18 سنه بينا ولانها متعلمه واحسها تفهمني وااايد واحب ايلس ويا خواتي ونتناقش بشكل عام ,,, وعن حياتي الخاصه واذا تعرضت لمشاكل سواء فالدراسه او خلاف بيني وبين حد افضل احله بنفسي وبدون محد يعرف,,, اشاور عقلي وفكر بالحل المناسب للمشكله من موجهه نظري ,,, فاول سنه فالجامعه وفايام المدرسه كنت من النوع الخجوووووول و مااحب ارمس وايد احب اسمع اكثر ما اتكلم بس الخجل خف مع الايام بس في حدود مااقدر اتخطاها ,,
2/ حياته النظاميه من ناحية الترتيب وتنظيم الوقت والامور الشخصية ؟
من الناحيه النظاميه احسن اني قبل مااروح الجامعه والسكن بالاخص كنت مرتبه ومنظمه من حيث ترتيب الملابس والاغراض اما الحين مع اني متخرجه من كم شهر بس كله احس غرفتي مب مرتبه ,, وبالنسبه للامور الشخصيه مااحب اقول لشخص معين كل اللي فخاطري حتى ربيعاتي ما في وحده منهم تعرف كل اسرار كل سر عند وحده وفي اسرا وامور شخصيه مااقولها لحد واكتبها فدفتر خاص فيني ,, اما تنظيم الوقت فانا بطاليه ويالسه فالبيت بس الحمد الله عارفه كيف استغل وارتب وقتي بحيث اكون راضيه عن عمري
3/ الهوايات ؟
احب الاعمال اليدويه والصبغ والديكور والخياطه والطبخ احس هالامور ابدع فيها واطلع افكاري واتميز
4/ كيف يراه من حوله ؟
اممممم بعترف بسر من اسراري هههههه صبغت غرفتي بروحي سرت اخترت الالوان وخذت فكره عن طريقه الصبغ وصبغت الغرفه بس الحمد الله اهلي عيبهم واااايد و عن الخياطه طبعا مااعرف بس احط موديل فبالي واروح الخياط يسوي لي الاساس وانا اركب عليه او اخذ الاغراض وفكره اللي اباها واوصفها للخياط واخر مره سويت لخواتي لبس ليوم الاتحاد والحمد الله عيبهم بعد
5/ الميولات ؟
اميل للضحك والوناسه واحب اسوي مقالب بس بشرط انها تكون خفيفه ومبلوعه وماتحرج حد مااحب المقالب القويه والثجيله واكثر شي احبه فالعالم اليهال احب العب وياهم واااايد ,,,اميل فاختيار الالوان الفاتحه اكثر
الله يستر من نتايج التحليل هههههههه
تسلمين الغاليه ع المووضوع المميز شرات صاحبته
