السلام عليكم ورحمة الله ^___^
اشحالكم خواااتي ؟؟
اليوم قعدت ملاااانة عالعشا
فقلت ليش ما اسوي كيكة بدل ما تم فاظية
وجان اسير المطبخ وقبل ما ابدى الشغل
ذكرت خواتي فمنتدى الرمس وقلت ليش ما اعلمهم طريقة كيكة الروب ^__^
هي على فكرة نفسها الي يستخدمونها فالكب كيك اللهم اتزيدين عليها برش برتقال بس انا اهنا ما حطيت برش برتقال
الكيكة واايد سهلة ولذيذة وبعلمكم طريقة الصوص
والصوص الي بستخدمه توووفي يمي يمي
خلونا نبدى بمقادير الكيكة:
1روب-2بيض-1كوب طحين رقم1- ثلاث ارباع كوب شكر-نص كوب زيت-خاشوقة صغيرة فانيلا-خاشوقتين صغار بيكنج باودر-اشوية ملح
اييب خلاط العصير واحط فيه البيض
والشكر
والفانيلا
والبيكنج باودر
واخلط على اقل درجة فالخلاط
بعدين اظيف الزيت
لين يستوي جذا
احينه اييب ملة واحط فيه الخليط
واحط الروب
والطحين بس مب كله
والملح
اخلط اشوي وعقب ارد اظيف الكمية الثانية من الطحين
ارد اخلط احينه بمظرب الشبك
لين يستوي جذا
احينه اييب صحن البايركس او اي قالب اتحبينه وتصبين عليه اشوية زيت
امسحيه على كاااامل القالب
وغلفيه بالطحين
صبي كل المقدار فالصحن وحطيه بالفرن على درجة حرارة 180دجة فهرنهايتيه لمدة نص ساعة
فهالوقت بنسوي صوص التوفي ^___^وهاي المقادير كوب شكر(هذا شرات استكانة الجاي بس على اكبر) و اذا بتستخدمين الفنيان يبالج 2-قشطة
اقلب الشكر على نار هادية فجدر خاص ولا مقلاة خاصة حق لسويتات ولا تستخدمينه حق أي شي ثاني من عقبها
لاحظي شقى بدا يحمر الشكر,,حاولي اتقلبينه ابسرعه ولا اتم عندج كسر كبار من الشكر
اهنا احمر ازيادة
اظيف القشطة واقلب ابسرعه(بس حاذري عاااد كله ولا حرق الشكر موووووووووووت عذاب)
اهنا شليته من عالنار ولاحظي شقا لونه ,,هذا اللون الي نباه فالتوووفي
لاحظي شقا ماتم عندي ولا كتلة من الشكر
فهالوقت كيكتي جهزت^___^
قطعتها وحطيتها فصحون
صبيت فوقها التوفي
ووووووووووبس خلصنا ^_____^
يعطيني العافية الصراحة لأني تعبت فالتحميل >_<
رد مع اقتباس