السلام عليكم ورحمة الله وبركاته

مما كتبت وعبرت به ... هذه القصيده.. أتمنى أن تحوز على إعجاب القاريء


ماني ولــد هــارون ولانـي بفرعـون... ولاني مـن اللي خـان ربعه لعـانه
.
لاني أسـير الفلـس ولا حـتى مـليـون... أنـا فـقـيـر والــتــواضع مكــانه
.
مـا عنـدي كنـوز المــلا ومـال قـارون... ولا عـرش بلقيس مـلكته بزمـانه
.
حظـي رمـاني عـنـد نــاس يحبـون... ناس تـبي قـلبي وتشـري حنانه
.
بالطيب لا بالغصـب صـوبي يـودون... وبطيبـتي طـاب المـقـام بأمـانه
.
طيب بطبـعي بس مـاعيش من دون... من هو عرف قدري وعزي وصانه
.
أحلـف بـربي مـالك الـناس والكــون... إني مـن اللـي صــادق في لسانه
.
وإني من اللي يفـزع بسـاعة الـعــون... وإني لكل من يبغى العون إعانه
.
قـدري مثل مـا قلت ياناس ما يهون... مـا أرتضـي الذل وحتى المهانه
.
عاشـق ومغـرم وللي يحـب ممـنـون... كل من عرفني ما رخص يوم شانه
.
حتى أذكر إني إن عشقت شخص بجنون... أكون خـاتم بـين كـفــه وبـنـانـه
.
لكن حسـافه عاللي هــم مــا يقدرون... قلبي اللي سلمته لهـم كالأمـانه
.
لاهي طبايع بـــدو ولا عـرب يسلـون... حـسـن المخــوه والأدب والـرزانـه
.
لـكـن ربـي بــأمــر كــافٍ و نــون... جـاعـل بعقلي الرضـا و التكــانه
.
سلمته أمـري وراضـي بالذي يكون... راضـي بحكمـه وطامـعٍ في جنانه
.
هـذا أنـا يا مـن بغيتو تعـرفـون... عــن عاشقٍ قد ذاق من مر زمـانه
.
والختـم أطـلــب يانـاس تصـلـون... عالصادق اللي يانا بأسمـى ديـانه
.
.
.
وســوالم