[rainbow] السلام عليكم ورحمة الله وبركاته[/rainbow]

اليوم انا بقلكم عن حيل سويتها واباكم انتوا بعد اتقولون عن حيل سويتوها

مره كنت لابس عباية الوالدة وحاط كرة تحت العباية عشان يبين اني حرمة اشوية امتينه يوم دقيت الجرس يت الشغالة وما كانت اتعرفني قلتلها وين ماما قالت داخل يوم دخلت سلمت على الوالدة تتحراني وحده من ربعها وانا كنت امغطي ويهي عشان ما تعرفني يلست وقهوتني لا بعد ما قصرت عطتني بيزات 300 درهم قالت عطيهم حك اليهال بعدين قلتلها مشكورة اختي ما قصرتي وانا عندي موهبة اقدر اقلد صوت الحريم كنت امقلد صوت الفنان عبدالعزيز النمش الله يرحمه الي يمثل دور حرمه بس يوم طلعت برع قلت الحمدالله الحين بروح محد شكني واشوي البس النعال وتكربعة على الدري ويبين اثيابي كلها يوم شافتني امي اضربتني ضرب وخذة ال300 اللي عطتني اياها

[line]-[/line]

ومره كنت لابس قناع مال فيلم اسكريمولابس على عبايه وكان الوقت ليل دشيت على شغالة يوم شافتني تمت تصرخ وفرت على دبة الماي على راسي وشرد برع سرت داخل الصالة ونسيت اني ما فصخت القناع يوم دشيت على الوالدة ما كنت قاصد ازوغها والاتصرخ وتفر علي الصحن على راسي وانفلعت من يوم هاك اليوم ندمت اني ما اخوف حد


أحذركم لاتزوغون حد عشان ما تنفلعون جراتي