المقادير:
كوبين عيش
صدر دياية مقطع مربعات
جيس ربيان
ورق بصل أخضر مقطع حلقات صغار
جزرة وحدة مقطعة عيدان صغار
فلفل بارد بعد مقطع عيدان صغار
صلصة صويا
ربع كوب زيت
قوطي فاصوليا خضرا
بيضة
وفطر مقطع
ثوم وزنجبيل مهروس
الطريقة:

سوي العيش ويا الفاصوليا ولاتنظينه كامل قبل لا ينظا شخليه لانه بيستوي ويا الخلطه ماله
وفي الجدر الثاني
حطي الدياي والربيان ويا الزيت على نار هادية وصبي عليه شوية صويا صوص وسكري عليه وخليه شوي ياخذ الطعم وشلي الغطاه لين ينشف الماي عن الدياي والربيان حطي كل الخظرة المقطعة والثوم والزنجبيل المهروس وشوية صلصة صويا وخليه لين تنظى الخظرة حطي العيش المشخول والوبيا وكثري شوي صلصة الصويا وظيفي عليه البيض المقلي لازم يكون مقطع وخلطية وتأكديي قبل ماتسكرين عن العيش انه طعمة يناسبج من ناحية الصلصة لانه في حد يفضلها وايد وحد يفظلها خفيفة

ملاحظه :
لاتستعملين الملح في الاكلة صلصة صويا اتكفي