السلام عليكم ورحمة اللـَّہ وبركاته
حلمت اليوم الخميس 3 / 6 / 2010
حلمت انـي سافرت عمان وهناك گآنّ فـي احتفال أو مناسبة والاهل كانوا يستعدون لــہا بس كانوا يبعدوني عن مشاركتهم، خاصة اختي الكبيرة خوله كانت تطالعني بكراهية وماتبيني احضى بمناسبة وامشي علـى سجاد أحمر نفس اللـي فـي المناسبة، وأنا كَنُتً أحاول اساعدهم ولو بأي شـي
فرحت اشتري غراش ماي بأشكال مختلفة وحلوه والوان مختلفه ? نكهات مختلفة قلت لولد اختي شيل هالصينية فِيہآ غراش ماي مختلفه خلهم يشربون ويرتوون آنـََـا بشيل غرشه بس واخذت غرشه شكلها بسيط جدا وعادي مو مثل الغراش الثانيه اشكالهم حـِـلؤؤهُ ومبتكرة
واخذ ولد اختي الصينية وعطى امه وابوه وجده وجدته وخواته وكلهم اخذوا وشربوا وانا رحت اتمشى بين المحلات وكان المكان كبير وكان ريل اختي يتبعني واختي تعرف بنواياه وكانت تكرهني اكثر واكثر وانا احاول اتفادى الكل وابتعد وامشي بعيد
حتـى دخلت فـي تجمّع والناس كلهم قاعدين بالارض وكانها استراحه وشفت الرئيس بشار الأسد وزوجته وعيالهم وانا قعدت وراهم شفت عيالهم حلويين وكان عندهم طفل صغير حلو رحت اشيله بحضني والاعبه وحرمه تطالعني وتحسب انه ولدي؟
وسدحته واغنيله وهو يضحك ?آآيّـدْ واغنيله ياااكتكووت وكأن الطفل معودينه علـى كلمة كتكوت ويضحك عليها واااايد وانا افرح لضحكاته الحلوه والاعبه ?آآيّـدْ وهو يضحك عقب قالتلي الحرمه ماشالله علـى ولدج اقولها مب ولدي ولد بشار الاسد بس آنـََـا شليته اشوي الاعبه عقب يت اخته الصغيرة واخوه وقلتلهم الحيـن برجعه ورديته لهم وكأن ابوهم وامهم منشغلين عنهم يتكلمون !!
عقب شفت ان الرئيس الراحل صدام حسين دخل مسجد هناك وكان بيعرس للمرة الثانيه منْ بنت تصغره بالسنّ وكان مستانس واااايد والرياييل يقولون هذا يبي يصغر بعمره يعرس وياخذ صغيره وصدّام دخل للمسجد وكانت عروسه هناك تترياه وكان مستانس وااايد!!
شو تأويلكم يارعاكم اللـَّہ
واطّمن ان شالله المنتدى مابيتصكر منْ احلامي
