سلام عليكم ورحمة الله وبركاته

شحـــالكم واخبـــاركم ^^
ان شا الله بخير.. ومب يوعانيين ههههـ

كح كح .. واخيرا بنزلكم وصفه البرياني هع هع >> ما بغيتي ..

طبعا من صــنع يد الوالده الله يحفظها..>> وانا بعد سويت برياني.لذيذ جدا جدا
بس طبعا محد يقدر يقارن طباخه بطباخ امــه >> ومنهن نستفيد هع هع..

ربي يحفظ جميع امهات العالم..
>> قوولووا أميين هع..


انزيييييييين نبدأ بالوصفه.. طبعا من جهدي الشخصي
وان شا الله ينال اعجابكم ^^..

>> واايد ترمسين انتي يالله ابدي ههههـ


ان شا الله .. الحيين بنبدا.. ونستوي شويه جادين
عسب محد يخربط في كتابه الوصفه..
اذا كتبوا شي مني منااك..وخربطتوا >>عقب بتسبوني اناا هههههـ

حبيت اقولكم ان هالبرياني بالطريقة الهندية ^_^

احم احم.. نبدأ في المقادير والاغراض اللي تحتاجونها حق هالأكلــه ^^
طبعا انا بكتب الطريقه تحت الصور.. وبعض الصور ما يحتاي اعلق تحتها لأن الصورة بنفسها تتكلم ^^.. وانتوا اذكياء هع ..



دجاجتين متوسطتين الحجم>> على حسب الرغبه
تقطعونه قطع متوسطه او صغيره على كيفكم.. شرات الموجود في الصورة ^^



جدر كبير >> عسب تدخل فيها كل المقادير هع..

.
.
.

ثلاث اكواب كبيره من الرز >> على حسب الرغبه بعد ^^
طبعا لزووم غسل الرز.. اغسلوها زين ما زين ههههـ.. بس لا تكسرون حبات الرز^^ وقت ما تغسلونه.. اغسلوها برقه يعني هع هع ..


هالمقادير حق التتبيله



1- كركم
2- ثوم وزنجبيل مفروم
3- فلفل احمر



1- بهارات هنديه
2- زيت
3- بصل مقلي



1- روب
2- عصير ليمون
3- ملح



1- اوراق الغار الجافه + مسمار + حبات الهيل
2-فلفل اخضـر
3- كمون مطحون
4- نعناع وبقدونس

..
طبعا الحين تحطون كل المقادير في الجدر>> مثل ما بتشوفونها في الصورة ^^


.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.

.
.
.


الا اوراق الغار الجافه والمسمار وحبات الهيل..
وتغطون الجدر لحد ما تزهبون الرز

_+_++_+_++_+_++_+_++_+_++_
والحين دور الرز.. >>

طريقه طبخ الرز سهله وايد تحتاجون لـ جدر + ماي + ملح + اوراق الغار الجافه والمسمار وحبات الهيل
.
.
.

.
.
.


تخلونه على النار حتى الغليان..


قبل ما تحطون الرز داخل جدر الماي المغلي..
تاخذون كمية صغيره من الرز >> مثل ما تشوفونه في الصوره



وتحطونه في جدر المقادير ^^ >> شرات الصور بالضبط


.
.
.



وطبعا والرز الباقي تحطونه في جدر الماي المغلي.. عسب ينضج ^^
لا تنسوون تحركون الزر بالملاس كل خمس دقايق ..
_+_++_+_++_+_++_+_++_+_++_

والحين اخواني وخواتي ايي دور مقادير التزين ^^



1- حليب طازج
2- ثلاث او اربع حبات بيض مفور
3- بصل مقلي و بقدونس
4- صبغ للرز
5- زبدة



اول شي تسوونه.. تخلطون الحليب الطازج مع الزبده.. >> تخلطوونه زين ما زين هع هع ..


الله يسلمكم.. عقب ما ينضج الرز.. وتحصونه في المشخله وتتأكدون انه ما فيه ولا قطره مااي هع..
تحطوونه في جدر الموجود فيها المقادير المخلوطه =)



الحين تحطون الحليب الطازج اللي خلطتوا فيه الزبده على الرز .. >> لا تتركون مكان خالي من الحليب .. حطوا الحليب في كل مكان هع هع ..


وعقب الصبغ.. تصبونه على الرز بشكل دائري ^^ >> عسب يعطي الرز لون الابيض والبرتقالي والاصفر بعد


.
.
.

والحين دور التزين..
تيبوون البصل المقلي والبقدونس.. وتنثرونه على الرز..
ولا تنسوون البيض تقسمونه لنصفين.. وتحطوونه بطريقه حلوه على الرز



اخر شي تحطون القصدير على الجدر وتغطونه..
وتحطونه على النار
تقريبا
خمس دقايق >> نار قويــه
عشــر دقايق >> نار هاديه
وينصح تحطون شي ثجيل على الغطاء الجدر >> عسب يتسوي الرز اووكي.. وما يظهر البخار برع الجدر ^^

وقبل لا تبندون النار عن البرياني..
افتحوا من طرف.. >> تحملوا عاد .. لأن يظهر منه بخار حار ..
وايبوا الملاس وجيكوا اذا شي ماي ولا لأ>> طبعا ما بيكون مااي ..بس عسب تتاكدون انه نضج الرز ولا لأ^^




وبالعااااااااافيه عليييييييكم..
اتمنى اني وصلت لكم الوصفه بطريقه واضحه وسهله

واي استفستار..
اختكم الاسطورة موجوده ^^


شبــيك لبيــك مطبخ الاسطورة بين ايديك