ألــــووو
الســـلام عليكم ورحمة الله وبركاته
شيــــخي حلمت اليوم الخميس 8 / 7 / 2010
إنّــي كنت في المدرسه في إحدى الممرات وكنت جالسه ع الارض مع اربيعتي ( وما ميّزتها منو ) بس ف الحلم عارفتنها ووحده كانت معرسه وتوها مربيه ( وبعد ما اعرفها ف الواقع) وكنا قاعدين سوالف ... وفجأه قالت هاي المعرسه : انتوا صديقات ريلي صح؟؟؟
وانصدمــــــــــنا منها ؟؟!! كيف تشك فينا انا نحن مرابعات ريلها؟؟؟ وقلنا لا مستحيــــــل؟؟!! وليش جي تفكرين؟؟! وهي شاكه فينا
وانا بصراحه انصدمت من تفكيرها ..
عقب نزلت للساحه وشفت حرمة هنديه وبنتها مسوين صحن كبيـــــر مثل صحن مضارب العيوش ... بس فيه بسبوووسه
وقالولي تعالي جربيها وقعدت وياهم وكليت من بسبوستهم لذيــــــــــــــــــــــــــــــذه ... واااااااااااايد لذيذه مسوين فيها اشياء وايده
من الزعفران والهيل والقطر والمكسرات المهم عيبني طعمها واااااااااايد وقلتلهم وايد بسبوستكم حلوه منو مسونها قالت بنت الحرمه
الهنديه ..اختي مسوتنها هي مب يايه هني داخل في البيت؟ قلتلها بس وااايد حلوه ماشاءالله عليها ... وكلت منها عقب طلعت
وشفت اختي العوده مع اربيعتها .... ورحت لهم وقلتلهم كلت من بسبوووسه رووووووووووووعه طعمها لذيييييذ تعالوا بسرعه لا تخلص
ونزلنا للساحه بس مالقيت شي؟ محد الحرمه محد ولا بنتها ولا الصحن؟! وهم دووروا مالقوها ... بس لقوا شي ثاني ...!! واخذوه وياهم!؟! مو متأكده من الشي الثاني هو اكل بس مو البسبوسه اللي انا كلت منها
عقب لمحت هندي وكان صاحب محل افلام في المدرسه نفسها !! يقولي في افلام هنديه حلوه الحين تنعرض في الكلاس الفلاني وانا مو محطيه في بالي اطالع افلام لاني ما احب اجوف افلام ف الواقع
وبس نشيت من الحلم!!
والسموحه منك شيخي
