المشاركة الأصلية كتبت بواسطة مرجانه
عدنا والعود احمد
السلام عليكم ورحمة الله وبركاته
حلمت اليوم السبت 28 / 8 / 2010
إنّي كنت رايحه جامعة زايد ، وكنت مستانسه وكنت في سيارة اخوي احمد ، ودخّل السيارة في وسط ساحة الجامعه!
لكنّه ما نزّلني !! ونزل هو وقفل االبيبان والدرايش وماكان مشغل المكيف ، وحسيت باختناق ...واقوله نزلني وهو مطنشني
وقعدت فترة داخل السيارة بس اشوف من الدرايش عقب يوم نزلنا حسيت في شعري قمل ... وشفت خواتي واخواني مو كلهم بس
وبعد في شعرهم قمل ... قلت لاختي لازم نشتري الشامبو والمشط ننزل هالقمل !! بس انا شعري ما كان في وايد بس وحده
ولكن الشعور مقرف !! ومشينا ع المحلات كان في بازار ... وكنت ادوّر زيوت عطريه ... وكنت شايله في ايدي طول الوقت شمعدان
مشتغل وفيه زيت عطري .... هو حقي .... عقب في اخر الممر كانت في غرف نتجمع فيها وطاولات وكراسي
فكان في قسم خاص لنا نحن العيله ... بس دخلت مرت اخوي نورة تبخر المكان ببخورها هي ...وشفت خواتي نعوم ووفاء يسولفن
ومو مهتمات بالموضوع !! وانا انقهرت قلت يعني نحن ما عندنا بخور ندخن وكان عندي دخون بس قلت هيّن خليها لين تنتهي ريحة بخورها عقب بطلع بخوري وبدخن المكان كله ... ودخلت داخل ... ممرات ظلمه ...وكنت ابي اروح اطلع زيتي العطري من الكبت .. وكنت خايفه شي يطلعلي بس ما طلعلي شي وكملت واخذت الزيت العطري ورجعت لقيت انه مرت اخوي العود زهره نادت على باقي حريم اخواني وقالتلهم اجتماع عاجل وقعدوا يرمسون ما ادري عن شو ؟؟ وانا اعطر المكان بالشمعدان ... وافكر وين احطه وين ؟
وناس قاعدين ع الكراسي والطاولات مثل الاستراحه ...وشفت بنتين سمرات اشوي .. وحده منهن قالت بنسوي اجتماع وبنشوف اذا في سحر او لا .... وسوّن اجتماع وطلع في سحر ....قلتلها اويييه كيف عرفتي كيف؟؟؟ قالت اذا شفتي اي شي اعمى او نص اعمى يعني مغمضه او نص مغمضه خلال الاجتماع اعرفي انه في سحر وهي شافت ثلاث اقطاوه صغار مغمضات يعني عميات ما يجوفن ..وعيونهن مصكره ... قالت وهذا دليل السحر ... قلتلها وكيف بتبطلينه قالت نقتل الثلاث قطاوة وبينتهي السحر .... قلت ان شااااءالله يااااااارب ...
(((( ياشيخ رحت اليوم العصر اكلم اختي وخبرتها عن حلمي هذا وخوّفتني قالتلي ان اربيعتها اليوم اليوم متصله وخبرتها انها شافت قطوه عمية ما تشوف بره الصالون ، كانت اربيعتها طالعه من الصالون وعند الباب لقت قطوه عمية بعيونها الثنتين !!! ورابها المشهد!!
وقالتلي اختي اصلن اللي شفتيه يكون صح ولازم نقتل كل قطوه عميه ما تشوف حتى ننقذ الناس من السحر والساحرين!! وقالت بتخبر اربيعتها عن هالشي لان اربيعتها متضرره من السحر ... وتروح عند مطوّع وقالها انه فيها سحر في بطنها وهي للحين تتعالج منه ......!! ))) شو تعليقك ع الموضوع بارك الله فيك!!
وعليكم السلام ورحمة الله وبركاته
على حسب ما جاء في هذه الرؤيا فإنها تدل على بعض النكد الذي تريدين زواله مع وجود عريس او خطيبك بجانبك او تعنت اهلك بالموافقه عليه !!
وهي دلالة حرصك على احتفاظك بالمال لصرفه في الوقت الملائم لك !!
وهي دلالة على الحسد والنميمة والغيبة من حولك لاسباب اجتماعية !!
ارجو أن يكون التفسير واضحاً لما هو في معناه ؟
هذا وأن الله اعلم ...
ضوابط المشاركة
