☀بشارة خير ان شاء الله ..^^ (أجواء راكـЯαЌ)☁

[BOSS KK]

السلام عليكم ورحمة الله وبركاته

قبل ما انزل الصور بخبركم باللي صار عشان تحسوا شوي خخخ
اليوم دوامي كان الصبح من الساعه 6 الفجر يبدى ... حشى حتى الديج بعده راقد ...

المهم طلعت بحر الموتر إلا واشوف الجو جونااااااااااااااااااااان ...

قلت إلا واصور... وانا اصور واقف جدام البيت إلا وإييني هاك الجيش من الذباب والله العظيم طفر فيني ...جنه يقول ما بنخليك تصور....وصج ما رمت اصور...
رحت الدوام مقهور وقمت اصور من الطراق بيري...خخخ

وعقب يلست بالدوام وانا اطالع الغيم والشمس بدت تطلع شوي والجو روعه وانا اسمع موسيقى <<ياحيه الدوام ههه

وقلت إلا وأطلع ماشي....

وشردت من الدوام خخخ ...


ورحت لمكاني السري وصورت لكم ها الصور واتمنى الصور تعجبكم...

التصوير كان بخورخوير ... ما رحت بعيد

لني اتصلت بسفير وقال لي (مشأول بن عمك) خخخخخخ يعني مشغول ...

فقلت ماشي أمل ... بصور بمكاني المعتاد

طبعا الصور مب حلوه لني حبيت اضبط شيء ... وهو التايم لابس ... بس ما ضبط مره مره
والمفروض اني ما اصور بإتجاه الشمس لكن ... الله كريم كنت مستعيل وورايه دوام ><...


ها حزت ما هاجموني قطيع الذباب المفترس والنذل ....







الغيمه شكلها قطوه خخخ ركزوا عدل

















العده والعتاد للتصوير المعتاد ... واااااااااو والله عيبتني الجمله خخخخخخخخخ




إستاندي العزيز اللي صبر وياي بالحلو والمر والحامض والبارد ...<<





البيت خرب علي الصوره ... ><





تحيدوا ها اللعبه ؟...يوم تفروا حصاه بطريقه عرضيه وتضرب بالماي وترد تطلع ... وناسه ..^^




نظارتي اللي هي المفروض مب نظارتي..<شالنها من اخوي...LO0OL





صورت الماي سلوشتر ... لو تلاحظوا الماي ياي جنه ناعم .. اممم ما ادري المهم شكله غير ...هه






سيارتي المتواضعه ...^^






الحليله....








استعملت فلتر الغيم ... والفلتر اللي يركب جدام بالعدسه ..^^






ها هندي كان يالس وصورته ...<<..LOL >>>
كان يبا حد يكفله وقال لي صورني عشان حد يكفلني وما رديته ...

حوه عن تصدقوا ..... ها انا ... خقاق انا بعد >< ...

((حذفت الصوره خلاص ... اخاف حد يفكر تفكير ثاني عني والواحد يبتعد عن الشبهات احسن له وانتوا تتمصخروا علي >< .. عصبت خلاص خخخخ))



بإستخدام الريموت ... صورت عمري وانا بعيد ونوع ها التصوير اسمه سيلويت ... اطلع انا أسود كامل ...
اوني فرحان روحي بالحقيقه كنت هلكان حر خخخخ





جو شاعري هز مشاعري وحرك وجداني بجلستي وحداني...(والله وقمت اقول كلام حلو ... اقول محد بيشتري مني كلام ؟......ههه)






(رب ضارة نافعه)... كنت بطيح والكام نذله صورتني وهي تضحك علي ... بس سبحان الله الصوره طلعت حلوه(بالنسبه لي انا ..^^)...الحمد لله

اتمنى استمتعتوا بالصور
حطيتها اليوم بحكم القدر
قيموني كبداية شـكـر...
تاليه الرد لو ما عليكم أمر

ههههه عن جد مشفر.....



مصوركم الخبل... محمد سالم ... ×_×


فمان الله ...
والحمد لله والشكر له وحده على هاي النعمه اللي انعمها علي ...


(( اخواني واخواتي بما انه ها الوقت حاليا هي ليلة الجمعه ... فأتمنى كل من يزور موضوعي انه يدعي لأبوي بالرحمه والمغفره ويارب يدخله الجنه برحمته يارب آمين ... بكون شاكر لكم والله ...))

والله إشتقت له واااااااااااااااااااااااااااااااايد .....


الله يرحمه...