[align=center]
مراااااحب..

موضوعي للمناقشة وبالتحديد لبنات جامعة الامارات
حبيت اعرف رايكم في المبنى الجديد اقصد الحرم الجامعي
وفي موضوعين.. الحرم فكرة رائعة وجميلة اذكر في عام 2002
لما قال لنا دكتور مساق الفكر عجبتني الفكره واتمنيت اكون
موجوده بس سكتني الدكتور وقال بعام 2010/2011 بيكون
المبنى جاهز يعني ما بتلحقون عليه.. المهم المبنى له ايجابيات
ما راح نتكلم عنها بس في بعض اللامور اللي على قولتهم
ما قادرين يتحملونها مثل بنات مقام 3 اللي يعانون معاناه كبيره
في الوصول للسكنات طبعا الجامعة وفرت الباصات للسكنات
البعيدة توصلهم للسكنات الجديده ومنها ينزلون ويمشون مسافة
بعيدة لين يوصلون الكلية وبعدها يشخطون البطاقة ويدخلون
حلوه سالفة البطاقة نفس المتروو.. يعني يمشون ولين يوصلون
الكلاس اتكسروا واللي اتعاني لين هاليوم من الالم الظهر والرجل
هذا موضوع ... برايكم شو الحل؟؟

الموضوع الثاني:

1- المطاعم وغلاء الاسعار معقوله سلطة بشي وثلاثين ولا العيش
بدون شي بعشرين ؟؟ممكن!!! لكن بهالحجم الصغير الصراحة وايد
الوحده اللي ما تلحق على وجبة السكن شو تسوي؟؟ اذا باليوم بتصرف للعيش
20درهم احسبوها بالاسبوع كم لازم يكون مصروفها هذا بس لوجبة الغذاء
واللي عنده اكثر من بنت بالجامعة شو يسوي ؟؟ اللي دخلهم ضعيف شو يسون؟؟

2- والزحمة اللي على المطاعم ؟؟
تصير زحمة كبيرة هل عدد المطاعم قليل وما يستوعب العدد ولا فيه خلل؟؟؟

سؤال::
اوجه السؤال لطالبات السكن الجديد في مطابخ في السكنات الجديدة؟؟؟


طرحت الموضوع للمناقشة ويمكن حد كبير يقرا الموضوع ويتابعه ويشوف لهم
حل بصراحه اللي اعرفهم كرهوا الجامعة لاسباب تافه مثل هاي مع انه الجامعة
واااايد حلوه وهالمرحلة حلوه عيشوها بكل تفاصيلها والحرم الجديد حل مشاكل
كثيرة مثل السكنات كل وحدة بحجرة مو مثل قبل الطالبة الجديده تتعرض للطرد
من قبل طالبة قديمة والازعاج اللي يصير الحين كل وحده لها حريتها وبنفس
الوقت صارت توفير للمواصلات ومشاكل وااايد اختفت الحين كانت موجودة قبل...


في النهاية دعواتكم لشيوخنا اللي ما مقصرين وموفرين لنا كل شي
الله يحفظ هالبلاد من كل شر...
[/align]