وش فيك تسألني إذا كنت غالي
تسوى عيوني
وش فيك تسألني إذا كنت غالي؟
غالي وتسوى من غلااتك عيوني
كل ما تمر ايامنا والليالي
يزداد حبك بي ويكثر جنوني
ودي احطك ( م ) الوله يا غزالي
في داخل عيوني وأغمض جفوني
واسرح وأسافر بك في دنيا خيالي
وأقطف لك أزهار الفرح من غصوني
أنت الغلا كله في أول وتالي
وانت حياتي وأنت عمري وكوني
والناس ما تسواك يا راس مالي
لو بينك وبين البشر خيروني
قدرك كبير ومنزلك دوم عالي
كل يوم يكبر يا غلاي وفتوني
وان كنت تسأل عن ودادك يا غالي
تعال وانظر منزلك في عيوني
رد مع اقتباس