بقلمي (جدامك هالله هالله .. وراك يعلم الله .. بقلمـــــي)

[MiNoOo 87]

السلام عليكم ورحمة الله وبركاته ..

خطر في بالي ها الموضوع وحبيت أناقشكم فيه ..

الله يسلمكم الجمله تقول :

جدامك هالله هالله .. وراك يعلم الله ..

يمر بحياتنا أشخاص أشكال و ألوان ..

منهم الطيب و منهم الخبيث .. منهم اللي يعرف معنى الصداقه .. ومنهم اللي الخيانه تمشي بعروقه ..

واحد من المواقف مثلا ..

إنتي و وياج وحده تعرفينها و سوالف و ضحك ويا بعض .. يعني مثل ما تقولين واثقه فيها و عارفه إنها مستحيل أو من سابع المستحيلات إنها ترمس من وراج بشي هب زين .. فجأه تقول لج وحده فلانه تقول عنج جيه و جيه .. إنتي أكيد بتقولي لها لا إنتي تقصين عليه و ما أدري شو و مستحيل هي ترمس من ورايه لإني أعرفها عدل وبينا خبز و ملح .. قالت لج هاييج أوكي أنا عندي الدليل وبراويج عقب قولي منو يقص على الثاني .. فعلا ظهرت لج دليل بين إن ربيعتج أو بالأصح التي تعدينها شرات ربيعتج ترمس من وراج رمسه هب زينه و سب و ما سب وغيره ..

شو بيكون موقفكم ؟!!!!!!!! جدامج بويه و راج بويه ثاني ؟!!!!!!!

موقف ثاني ..

وحده ماشيه على الصراط المستقيم و تقول لج لا أنا أسوي جيه !!! لا هذا حرام و مستحيل أسويه .. رب العالمين حرم ها الشي كيف تبيني أعصي ربي ؟!! وتظهر لج دلايل من القرآن و السنه إنها مستحيل تسوي ها الشي و من وراج هيه فعلا عكس كل كلامها ؟!! و إنتي اكتشفتي ها الشي صدفه @@

شو بيكون موقفج ؟!!!!!!! بعد جدامج تقول رمسه و راج تنعق الرمسه بحر ؟!!!!!

قصدي من ها الموقف إن ها الشي حرام إن الوحده تقول أنا مستحيل أسوي جيه و مستحيل أعصي ربي ها الشي يدخل ضمن مسمى ( الكذب ) و هو كبير عند رب العالمين ويعتبر من أمراض الروح اللي الواحد لازم يعالجها بأسرع وقت قبل لا تتأصل بروحه ..

والدليل على ها الشي ..

والكَـاذّبُ يَخْرجُ مّـنْ فمّـه رائِحةٌ نَتِنـة جدّاً تُنْفِـرُ مِنها المَلائكـة وهذهِ حَقيقـة ،، إذا جُرحتْ اليدّ أنّنـا نرى الدّم بِسهولة ولكنَّ لا نَشمُّ رَائحتُها مع إنّها موجُودة ..

لِذلكَ لابُدّ لنّـا أن نَعيِّ أثمْ هذهِ العادة { الكَذب ْ} .. ونتفكّـر فِي قَولْ اللهُ تَعالى:
{ ويلٌ لِكُلِّ أفاكٍ أَثيمْ } سُورة الجَاثيّـة [آية7] ..


قَالَ الإِمام عليِّ عليهِ السّلامْ: " إِعتِيـادْ الكَذِبُ يُورثُ الفِقـر "

يعني باختصار شو يكون موقفكم من الأشخاص اللي جيه ؟!!

اللي يقولون لك شي و من وراك شي ثاني ؟!! >> يعرفون إن إنته ما بتعرف شي إلا إذا حد خبرك أو بالصدفه .. بس ما يعرفون إن في رب يراقبهم على كل كلمه يقولونها .. و كل حرف يكتبونه سواء بالمنتدى أو بغيره من الأماكن ..

!! ما يلفظ من قول إلا لديه رقيب عتيد !!

أتريا آرائكـــــــــــــــم ..

إختكم : مينـــــــــــــــي 87 ..