السلام عليكم ورحمة الله وبركاته

: )|~

ظميت ومالقيت اللي علـى العـاده بيروينـي
تعبت ومالقيت اللي على كتفه احـط الـراس


ليا من غاب عن عيني احس الشـوق يكوينـي
وليامن شفته اقبالي يذوب القلب والإحسـاس


دخيـل الله يالغالـي ترانـي مابقـى فيـنـي
وصل شوقي إلى أقصى حدود الهم والهوجاس


غيابك جرّح اعيوني واحسـه حيـل يظمينـي
وحتى حرف طاروقي جفاه الحبر والقرطاس


يصيـح الحـرف باوراقـي ولا ودّه يخلينـي
حزن حرفي على قلبي وماوده يجيـه البـاس


ظمى قلبي ظمى سمعي و بات الهم في عينـي
يشق اجفونها جرح السهر والقهر والوسواس


اراقب مطلع الجوزا واشوف اسهيـل يبكينـي
وانته يالغضي تسري وكأني من بعيـد النـاس


بكت عيني على عيني لأنك حيييييـل تعنينـي
ولأنك كل شي عندي كتبت الشعـر بالكـراس


كتبته والعطش يحرق عروقي وانـت ناسينـي
كأنك انت من طيبه وانا من ساكنـي مكنـاس


سقى الله الزمـان اللـي تنادينـي وتسقينـي
واشرب من حلا ريقك وأتنفس مـن الأنفـاس


وسقى الله الزمان اللي جمعنا يـوم تعطينـي
وانا اعطيك من عيني ومن روحي بلا مقيـاس


وتالـي هالنهـار تغيب وللغربـه تخلينـي
يضج الشوق في صدري وقلبي كنّه ابمحماس


تـرى والله بالدنيـا مـابـه حــدّ يغنيـنـي
عن اعيونك ولا قربك ولا حبك يا تاج الـراس



صح لسان الشاعر