الســــلام عليكم
سلمتي الغالية عالمجهــود في تحليل الشخصيـــــات.. ربي يقويج
1/ من انت ؟ صف لي نفسك ؟
أصعب سؤال عندي !! ما اعرف اوصف نفسـي !! بحاول..
بنت عادية، أحلامي كبيرة احاول أحققها بأسرع وقت..
متعلقة فالوالدة واااااااايد،، أعصب بسرعة و أرضى بسرعة..
أكون مستانسة، وأسخف الأسباب تقلب مزاجي و تنكد علـي !!
أخاف من المـوت ،، أحب أستانــس و أضحك..
ما أحب اللي يستفزنـــي ( مب اي حد يقدر)..
اللي أحبه أخليه أسعد إنسان فالعالـم ،، و اللي أكرهه اخليه يكره الساعة اللي عرفني فيها.. شريرة حسب الموقف
هادية جدا"،، اذا كنت في مكان جديد ما اتكلم مع حد او اتعرف على حد إلا اذا حد بـادر .. مب تكبر بس
أحب أهتم فنفسـي و أشتري كل شي فخاطــري - من ضمن الميزانية طبعا" -
ما احب حد يتدخل بيني وبين الوالدة اذا اختلفنا، أو يصحح خطأي جدامهـا..
ما أحب حد يتأمر علــي،، لاني أعرف مصلحة نفسي..
2/ ماهي هواياتك ؟ وعلى ماذا تطرب وتسترخي ؟
أحب القراءة + المشـي + القعدة عالبحـر ترد روحـي و تخليني اخذ قرارات بهدوء + أكون مع شخص مريـح أقدر اتكلم اللي فخاطري
اذا كنت متضايقة أسمع قرآن و خصوصا" بوخاطـــر .. ..
3/ هدفك في الحياة ؟
هدفـي ،، أكبـر فشغلـي و أمسك مكتب مديـر على مستوى يفهم الشغل صح و اطور من نفسي من جميع النواحـــي. ..
تكون الوالدة مستانسـة. ..
4/ هل لديك الثقة الكافيه بنفسك وبقدراتك ؟ ام انك لديك بعض من التردد في اختيار امورك القرارية ؟
أحيانـا" بسبب العصبية كنت أتخذ قرارات أندم عليهـــا،، بس الحمدالله بدات أتخذ قرارات صحيحة فحياتـي احاول اصلح فيها الـ 3 سنوات السودا اللي كنت فيها
5/ جريء / ام حيوي ؟
جريئة بس ما أوصل لدرجة الوقاحــة
6/ كيف هو النظام في حياتك ؟ هل تجد نفسك انسان منظم ودقيق وتحب الترتيب ؟ ام انك انسان مرن وعفوي ولا بأس لوجود الفوضى احيانا في حياتك ؟
منظمـة،، أحب أرتب كل شي من مكان نومــي + سيارتي + مكتبــي
عفوية مع صديقاتي أحب استهبـــل و امزح
7/ كيف ينظر اليك من حولك ؟
ما اعرف
في فئة توصفني بالعنيدة و المزاجية
فئـة توصفني بالحنونة
فئة توصفني بالشريرة
8/ الامر الذي يؤلمك اكثر في الحياة والذي يفرحك ؟
زعــل الوالدة منـي و الأشخاص القربيـين منـــي.
أفترق عن اللي أحبهم سواء بمـوت لا قدر الله أو سبب ثانــي..
أفشــل في مهمـة حد كلفني فيها..
اللي يفرحنـي،، اني أكون مستانسة مع اهلــي و اكون مرتاحـة فشغلـي وبالي مرتــاح .. ..
