وأنا قاعدة مع أهلي في البيت.. شفت أخويه لصغير يلعب (بالسيارة) وأنا أتأمل بالبراءة والطفولة ..
وبينما كنت سرحانة (أقصد أتأمل) قطع حبل أفكاري كلام مكتوب على قميص أخويه!!
بطلت عيوني عدل .. فركت عيوني!.. رجعت أطالع >> نفس الكلام ما تغير!!
سالت الوالدة:ليش اتسبين أخويه؟!
قالت: أنا؟؟ ما عاش من يسبة!!!
قلت: بلا .. اتقولين عنه مينون ..لا وبعد مسويه دعاية للولد!!
الوالدة: نعم؟!! >> شوي وبتضربني !
قلت: طالعي شومكتوب عالقميص (I am crazy)
قالت: والله!! توني انتبه .. تعال خل أبدل لك ثيابك (تكلم أخويه) حسبي الله عليهم >> ما أدري حق منو كانت اتحسبن وانا الصراحة ما سألت!!
.
.
عموما مثل هالمواقف تحدث .. ونحن في أكثر الأوقات لا نبالي!!
.
كثيرا ما ندخل محلات مكتوب على ملابس الأطفال .. كلمات مسيئة للأطفال ..
وكثيرا ما تشاهد في المراكز أطفال مكتوب على ملابسهم كلمات وحروف لها معاني (وللأسف) لا يعلمها إلا الأجانب >> تخيلوا المنظر!!
.
أم محتشمة ..أب محترم .. وبينهم طفل مكتوب على ثيابه (my crazy son) يعني (أبني المجنون) >> والنعم!!
.
.
الموقف الثاني،،،
وحدة من صديقاتي خبرتني الموقف!
في أحد اللقاءات في الجامعة ، وحدة من الطالبات وقفت على المسرح لإلقاء كلمة!
طبعا الطالبة كاشخة ولابسة عباة مفتوحة وكل شي تحت العباة امبين!!
حضر اللقاء أشخاص مهمين >> من الرجال طبعا!!
[align=center]البنت لابسة قميص مكتوب عليه (sex on thebeach)[/align]
ولما انتهى اللقاء سألوها البنات (كيف لبستي قميص مكتوب عليه هالكلام؟!!)
قالت ما فيها شي!!
مكتوب على القميص (أحب الشاطئ)!!
مراعاة للذوق العام ما راح اترجم الكلام حرفيا ولكن بعد البحث تبين أن (sex on the beach) اسم لنادي دعارة مشهور في أمريكا!!
.
.
الموقف الثالث،،،
للأسف .. هذا أكثر المواقف أثر على نفسي .. وجعلني أغضب (بشدة)
أثناء تجوالي في أحد المعارض في ابو ظبي لمحت محل يبيع اكسسوار وشوية شنط ونعول وقمصان نوم نسائية
.
اللي لفت انتباهي انه أكثر المرتادين هم من فئة المراهقين >> واللي تشتري لنفسها .. والثانية لأختها.. أو لبنتها أو لأعز صديقاتها
.
وكل وحدة تطالع الاكسسوار وتقول (كيوووووت)
(البائع من أحد الجنسيات العربية يبتسم)
وبعد فترة وأنا أمشي في القرية العالمية نفس المشهد يتكرر جدامي!!
نفس البضاعة .. نفس الفئة العمرية (أكثرهم بنات مدارس)
وكل وحدة تظهر من المحل تقول
(كيووووووت)
(البائع من أحد الجنسيات العربية يبتسم)
بعد فترة مريت على معرض في راس الخيمة (أكسبو)
نفس البضاعة .. نفس الفئة العمرية.. ونفس الكلمة (كيوووووت)
هنيه ياني فضول أعرف سبب كلمة (كيوت) اللي أسمعها !!
دخلت المحل ومن شدة الزحمة كنت أطالع من بعيد
الغريب في هذا المحل أنه جميع البضاعة تحمل صورة وحدة
صورة أرنب!!
.
أستغربت ان جميع المنتجات فيها نفس الصورة!
سألت البائع (من جنسية عربية أيضا)
غريبة ليش كل البضاعة عليها أرانب؟!!
قالي : هاي موضة جديدة بدنا ننشرها هون في الإمارات!!
وأبتسامها خبيثة!
أحساس غريب راودني .. هذي المنتجات أغلبها صناعة كورية وصينية
وغريبة أن هذي الدول تحط صورة أرنب على منتجاتها ؟!!
إلا لو كان هذا الأرنب رمز لشيء عندهم أو لوغو لشركة مثلا!!
بعدها بديت انتبه أكثر
[align=center]
في السوق طفلة تمشي وعلى قميصها هذا الأرنب
في المدرسة طالبات يحملن شنط ويلبسن سلاسل عليها هذا الأرنب..
والجميع بجهل يقولون (كيووووت!) >> هذي الكلمتين اللي حفظوهن من حصة الإنجليزي !!
[/align]
هنيه قررت اني افتح صديقي (google) وأبدأ البحث!
ومن موقع لموقع لغاية ما وصلت للأرنب المطلوب
وللأسف كانت الصاعقة!!
رموز وحروف واختصارات تكتب على ملابسنا من غير ان ندرك ما هي!!
وجدت الكثير من الرموز الكلمات والصور إلا ان ما سأذكره هنا من مصادر موثوقة وهي وللأسف كثيرة الانتشار في الدولة!
.
.
أبدأ:
(1) easter bunny
.
.
كيف تشتم أمك ، أبنك ودينك؟!!
رد مع اقتباس