مطبات الرمــــــــس

[!! الــعــنــيــد !!]

السلآم علييييكم


كيف الحآل ؟
شحالكم يا اعضاء المنتـــدى
وشحالكم يا أهل الرمس

عندي ملاحظة
و هي بخصوص المطبات اليدااد
اللي ف شعبية راشد
و اللي اكبر عن مطبات كورنيش راس الخيمة


شووو موضووعها ؟!

و ليش مسواااايه ؟!؟


صراحة المطبااات هاي الصغيرة كافيييه
اللي منتشرة ف الرمس و برع الرمس

ولا شـو رأيكم انتوأ ؟!

[ملك بدون مملكه]

مطبه موقته لانه تحتها بيب ماي ,,, اتوقع لاعمال الصرف او مياه الامطار

لاتخاف بس انا اشوفها اريح واحسن مطبه بالرمس لو كل المطبات جي سياييرنا ما بتتكسر

كل حد يسوي مطبه على هواء نحافط على السرعه والامان ما اختلفنا بس مب كل 10 امتار مطبه حشى ,,وكل مطبه تجلع الجبد

[Gucci]

السلام عليــكم ،،

أنا في البدايه كنت معترضة على المطبه اول ما جفتها ،، بس لما سألت أخوي بما أني ما أفهم وااايد بموااضيع السيــايير قال مثل ما تفضل فيهــ أخوي ملك بدون مملكهـ بأنها أحسن مطبهـ ،،و غير ضاره للسياايير بالمقارنهـ مع قريناتها الصغاااااار ،،

تحيــــــاتي ،، أختك Gucci

[غصن الورد]

ياليت كل المطبات برأس الخيمة كلها تكون مريحة بالشكل هذا مثل اللى على الكورنيش
المطبات الثانية كسرت سيايرنا بصراحه
من كثر ما تترضض فوقها

[!! الــعــنــيــد !!]

كلامكم صحيييح

لكن هاي أكبر عن مال الكورنيش
و بعدين شكلها صح .. لكن حجمها

و بعدين اخوي ملك
ما اظن انها مؤقته
لكن اتمنى هالشيء
على العموووم اظاهر كل واحد قام يسوي اللي يبيه هاي الاياام

و كل واحد مسوي له ستين الف مطبه جدام بيته
و حجته انه عياله يلعبون برع

صراحة لو اتمشى يوم كامل ف الرمس... نادر ماشوف صغاريه برع البيت

[✖ۈهمـ✖]

هيه والله جســـر ..

أتأخر عن التقنيه أنا والسبب ها الجسر .. ياخذ تقريبآ ساعتين لين ما نركبـ وخلافـ ننزلـ خخخ

[عاشقة القمم]

إزقرت يوم تركبها
تحس عمرك رآكـب جسـر هههه
ع فكـرهـ سمينـآهـ جسـر الشعبيـة هـع


في البدآيـة توقعنـآهـآ مطبـة ثـآبتـه
بس عقب يـوم مدوآ البيبـآت عرفنـآ المغـزى
وآحـد من العمـآل قـآل مدتهـآ 15 يـوم فقـط عقـب بيشيلـونهـآا ~>> وآلله أعلـم صـآدق / جـآذب

بس بصرآحـة الشعبيـة يبيلهـآ كـم مطبـة ف فرجـآن مـآ فيهـآ مطبـآت والشبـآب يسرعـون بشكـل فضييييييييييع
الوآحد لـآزم يخف بين البيوت بس هم ابـد مـآيرآعـون ، ومـآبيردهـم عن هالشـي غيـر المطبـة

[راك-بوي]

الصرااحة المطبة زينة ما عليه اي اعتراااض اتخلي الناس يخففون السرعة

بس اعتقد عشان يوصلون الماي حق الكهربى يسوون شي بس مااعرف شو هو
وشكراً

[patchena]

عجيبه الصراحه حسيت بطورات حتى بالمطبات وبعدين منظرها حلو اصلا بالشعبيه

[صقر سوريا]

الله يعين