مستشفي صقر

[الجوهرة الناعمة]

بو فيصل ومالي مثيل يسلموا علي مروركم وردودكم
بو فيصل مع احترامي لردك هاذي مشكله وحلو ان نتشارك كلنا مع بعض

[Eng.Khaled]

والله عيب ! هذا ونحن في دولة الحمدلله مب قاصرها شي، ولو صرفت الحكومه من ميزانيتها للوافدين اللي متغربين ومساعدينا في خدمة البلد؛ بعد والله مافيها شي وان شالله مأجورين عليه

لو علاج ثانوي بنقول. لكن طوارئ؟! عيب والله

وبعدين مستشفى صقر طاقم الطوارئ فيه مايكفي ولايستوعب كم المرضى والمراجعين!

الصراحه ماعرف شو اقول، غير الله يصلح احوال المسلمين في كل مكان

بلا مصالح شخصية الله يرحم والديكم. كلكم راع ومسؤول عن رعيته

ياريت اولياء الامور يتعضون من اللي صاير في الوطن العربي.. ماينفع الظالم شي اذا انثلبت الدنيا عليه ، او اذا لقى ربه

[&&البارونهـ الخيماويهـ&&]

قوانين زفت صراحه

يعني تسوء حالة الولد عسبت 75 درهم

الله يكون ف عون الجميع

[علاء اليوسف]

اللــه المستعان

الله سبحانه وتعالى ارحم واحن وأشفق على عباده من الجميع

اللي ما عنده أب في فوقه رب

دمتم بخيرر ان شاء الله

[ملاك روح]

حرام عليهم يعني الولد مريض لازم يعالجونه

يعني الصراحه والله ما اعرف شو اقول

[الجوهرة الناعمة]

يسلموا وتحياتي واحترامي لردود ومرور((خالد _البارونه_علاء اليوسف_ملاك الرحمه))
والله ردودكم مليئه بالاحترام والذوق

[غـريب الـدار]

مستشفى صقر
ومستشفى سيف - عبيدالله

بصراحة مجرد نفخ عضلات على المرضى
يبون بس يستعرضون على المرضى والمتواجدين

تخيلوا قبل فترة كان الاهل تعبانيين
وخذيتهم لمستشفى سيف
تخيلوا في الطواري بس دكتور واحد متواجد
وفوق 10 مرضى
ولين يي دورك حوالي 40 دقيقة

يعني شو هالفوضى اصلا !!

فوضى ولا احترام ولا تقدير للمريض

وفوق كل هذا لا احترام ولا تقدير الوافدين في المستشفى

يعاملون الوافدين كأنهم من كوكب اخر . ولا حول ولاقوة الا بالله

شكرا لج اختي على الطرح المؤلم

[sa3tymarkah]

لاحول ولاقوة الابالله

الله يعينهم صراااحة كل مكان مصاريف ودفع

[خيما ويه ازقرت]

حبيبتي مواطن ولاغيره ماعندج بطاقه لازم تتدفعين مره وديت زوجي كان تعباان والله وبطاقته منتهيه والله رجعنا وماعالجوه وحنا على قولتهم مو اطنين واهل البلاد يف الوافدين


الله المستعان

[ام محمد 9119]

الله المستعان