عن نفسي ما اعترف ب شي اسمه مربيه وما اعتبر هذا تطور بالعكس هذا تخلف مع احترامي وتقصير من جهة الام والاب

والصراحه انا كأب ما اتخيل ولا بتقبل اشوف ولدي في حضن خدامه ، ولا اشوف نفسي في يوم اني اروح اكفل مربيه اصلا شوه منظريه وانا رايح اييب وحده عشان تربي طفلي هذا دور الام بمساعدة الاب ودورهم مايوقف عند الانجاب لازم يكتمل بالتربيه والتننشئه الدينيه الصحيحه ما اعتقد ان المربيه قادره على الشي هذا وان كانت قادره ما راح تأديه بذمه لانها تربي الطفل في سبيل مقابل او اجر تحصل من اهله بعكس الام اللي راح تربي الطفل بذمه وماتطلب مقابل غير انها تشوف طفلها بار وصالح

و بالمناسبه تمر علينا ها المواقف وايد

ع سبيل المثال في استراحة مستشفى توام قبل حوالي شهر طفله مواطنه في حضن مربيه وللاسف اهلها مش وياها يوم قربت منها شليتها تفاجئت انه الطفله ماتخاف وعادي تروح عند قلت في نفسي اكيد مافيه توجيه من الاهل محد علمها انه من المفروض عدم التجاوب مع الغريب المهم سالتها شسمج انصعقت من ردها اسمها اماراتي بحت ولكن تنطق اسمها بطريقة الخدامه الاسيويه ولا كأن الطفله عربيه ابدا
نزلتها وييت بروح تعلقت فيني بطريقه مثل شخص يبغي حد يحن ويعطف عليه كسرت خاطري ولكن تركتها
المهم دخلت في زيارة ربيعي وطلعت بعد حوالي ساعه او اكثر والطفله تتنقل من شاب لـ شاب والمربيه تتبادل النظرات بطريقه مع الرايح والراد ومثل هذي عمرها مابتكون امينه ع طفله

حرام يعني منتهى الاهمال والله