أولاً : أحييك أخي على طرحك الموضوع

مـــاذا ســـتكون ردة فعــلك تــجاهه..؟

أولاً أتفهم الموضوع منه وأشوف سبحان الله هذا الشخص يمر بظروف صعبة وماشابه ذلك تمنعه حتى من الاتصال مع أعز الناس إليه

هـــل تحــاول معــرفة السبــب..؟
أكيد أحاول معرفة السبب إذا ما حاولت ماشي نتيجة بعد لكونه هالشخص عزيز علي لازم أفاتحه بالموضوع وأتفاهم معاه سبحان الله الظروف تقهر الإنسان أحياناً

أو تنســـاه ولاتــهتم بــه..؟؟

إذا نسيته وما اهتميت فيه معانته النقص فيني أنا مو هو وإذا كانت ردة فعله جامدة وينوي قطع علاقتنا سواء كان صداقة أو زمالة أو ماشابه ذلك من أمور فهذ الشي راجع له هو والله يوفقه هو اختار هذا الطريق وهذا الشي الدنيا ما تخلا كل يوم تعلمنا أشياء يديدة

ومـــاذا ســتفعـــل..؟؟

جاوبت فوق شو راح أسوي والإنسان عنده إحساس ومشاعر إذا الطرف آخر بادر بشي وحسسك انه خلاص مو متقبلنك ليش أنا أفرض نفسي خلاص مو غصب كلن له طريجه بس بتظل معزته في قلبي طبعاً إذا اختار هو هذا الطريج وهو في نظري طريج مسدود انك تتخلى عن أعز ناسك بس سبحان الله يمكن بعد التفاهم بالكلمة الطيبة والزينة يي معاه وكل شي جايز بالنهاية هو ياكسبان ياخسران وأنا مرتاح ونفسي مرتاحة

وهــــل مررت بهـــذه الـــتجربــه؟؟

ما صادف اني اكون موجود والطرف الآخر يفتح مكالماته أو الرسايل الواردة جدامي أحس هالشخص اللي يسوي هالشي بتكون جرأته زايدة إذا هو متعمد يجرح الطرف الآخر والله أعلم باللي فالقلوب