المشاركة الأصلية كتبت بواسطة أشواق الروح
السلام عليكم
اممم أنا حلمت من فتره ، إن :
أنا كنت بالمدرسه ، و كان بوقت الطابور ، و الوكيله خبرت أبله انها تفتش علينا " و هي نفسها وكيلة مدرستنا " ،
فأنا كنت خايفه لأني مطوله أظافري " و انا فعلا كنت مطوله أظافري بس الحين لا عسب المدرسه " ..
فالابله اللي كانت تفتش علينا لما يت حذالي سولفت و ضحكت معاي
و عقب كتبت شي في الورقه ..
و بعد ما خلصوا التفتيش رحنا انا و ربيعتي الاداره عسب نصلي " بس شو نصلي ما اعرف "
و طبعا بعد كنت خايفه لان الوكيله كانت هناك ..
و قبل لا نصلي امي يت المدرسه و عطتني 500 درهم و عقب اختفت
و بعد ما خلصنا صلاه ظهرنا ، و احنا رايحين الصف انا رحت من طريج و ربيعتي راحت من طريج ثاني
بس قبل ، كل وحده فينا كانت تقول للثانيه انها تروح معاها بس في الاخير كل وحده راحت بروحها
و لما دخلنا الصف .. لقينا حرمتين قاعدات يوزعن كتب ع البنات ..
فوقفنا انا و ربيعتي و معانا بنت ورا الطاوله " ويهنا مجابل البنات "
و فطرف الطاوله كانوا محطين الكتب .. فقالت لي وحده منهم حطي الــ 500 درهم
اللي عندج جدامج ع الطاوله فانا استغربت و مع ذلك حطيتهم .. و عقب وحده منهم شلت الكتب
و قعدت توزعهم ع البنات .. و لما خلصت يت عندنا ع الطاوله و حطت جدامي 20 درهم ع الــ 500
و جدام ربيعتي بعد 20 و البنت الثالثه بعد 20
و عقب كملت توزيع الكتب ع البنات و رجعت و جان اتحط 5 دراهم جدامي و جدام ربيعتي و البنت الثالثه ..
العمر : 16
طالبه
كنت نايمه ع جهة اليمين
ما اذكر متى كان الوقت بالضبط بس ما كان بالليل
و كان بالاجازه بعد الامتحانات
<< السموحه ع الاعاده .. بس عسب يكون كامل >>
وعليكم السلام ورحمة الله وبركاته
على حسب ما جاء في هذه الرؤيا فإنها تدل على خير يصيبك اما في دراستك او من خلال علاقاتك مع صديقاتك !!
وقد يكون منها تفوقك او حصول على درجات مميزة في احدى الامتحانات ...
وقد يكون منها اختيارك للانضمام الى احد فروع الدراسة مثل أن تختاري القسم الادبي وتختار صديقتك القسم العلمي !!
الرجاء بالمرات القادمة كتابة الخط بشكل اكبر مما في اعلاه ...
هذا وأن الله اعلم ...
ضوابط المشاركة
