المتميزة العضوة MINoOo 87 ضيفة الشرف على كرسي الاعتراف بأسبوعه السادس

[عاشقة القمم]

السلـآم عليكـم ورحمـة آلله وبركـآته
عدنـآ من بعـد طوووول غيـآب أهئ أهئ


نبدأ بالأسئلـة ..~

1- لمـآ تفتحيـن المنتـدى ،، شـو الأقسـآم اللـي تمري لهـآ ،، (بالترتيب) ..؟؟
2- منو من الأعضـآء إلـي خـآطرج تعرفيـن شخصيتـه الحقيقيـة ..؟؟ (وإلـآ مـآ فيـج فضـول)
3- لو كـآن بالإمكـآن تغيير شـي مضى من الزمـآن ،، شـو الشـي إلـي رح تغيرينـه ..؟؟
4- إذآ كنتي بتسـآفريـن ،، شـو الأغرآض إلـي لـآزم تـآخذينهـآ معـآج ..؟؟
5- عـآشقـة القـمم ،، منو هـي بنظرج ،، وشـو النصـآيـح والإنتقـآدآت إلـي توجهيهـآ لهـآ (حتى لو شي قوي عـآدي قـولي استقبل بصدر رحب ^^) ..؟

إنتهت الأسئلـة ..~
تم بحمـد الله وبعـونه (حسيت إني بنهـآيـة كتـآب خخخخ)

[MiNoOo 87]

عاشقـــــــــة القمم




عليكم السلام و الرحمـــــــــــــه ..

مرحب مرحب باللي منـوره الكرســــــــي ..


- لمـآ تفتحيـن المنتـدى ،، شـو الأقسـآم اللـي تمري لهـآ ،، (بالترتيب) ؟!

أول شـــــــي : العدسه الشخصيــه أكيـــــــد ..

ثاني شـــــي : ها الأسبوعيــن كرسي الإعـــــــــتراف أشوف إذا في حد سألني و لا شـــــي ..

ثالـث شـــــي : الأخـــبـار و أشــوف يديدهــا ..

رابــع شـــــي : قسم الحوار و المناقشـه .. أشوف اليديــد ..

بعدين أنوع بين المجالس : الدينيــه و المنــوع و التصميم و الجرافيكس و الشعــر ..

- منو من الأعضـآء إلـي خـآطرج تعرفيـن شخصيتـه الحقيقيـة ؟! ( و إلـآ مـآ فيـج فضـول) ؟!

تصدقيــــــــن ؟! ها اليومين ياني فضول أعرفج إنتي أكثـــر

و عشــقي الرمــس و غمــازه ..

- لو كـآن بالإمكـآن تغيير شـي مضى من الزمـآن ،، شـو الشـي إلـي رح تغيرينـه ؟!

اسمحي لي .. أفضل الإحتفاظ بالإجابــــــــــه

- إذآ كنتي بتسـآفريـن ،، شـو الأغرآض إلـي لـآزم تـآخذينهـآ معـآج ؟!

قرئاني الصغيــــر ..

الكــــــــــــام شي أكيــد ..

و الأشيــاء الضروريــه الثانيـــــــــه

- عـآشقـة القـمم ،، منو هـي بنظرج ،، وشـو النصـآيـح والإنتقـآدآت إلـي توجهيهـآ لهـآ (حتى لو شي قوي عـآدي قـولي استقبل بصدر رحب ^^ ) ؟!

تشرفــت بمعرفتـــــــــــــج .. و أحس ها الأيام عرفتــج أكثر من قبــــل من خلال الكرســي و قسم العدسه الشخصيه .. حبوبـــــــــــه وطيـــوبه و سوالفجيـــه .. هيه صح يمكن تقربين حق غمازه أو ربيعتهـــا >> صح ؟! >> شخصـــــــــــج ..

نصيحتـي لج مثل نصيحتي للي قبلج ..كوني مثل ما إنتي و لا تخلين شي أثر عليج و يغيرج إلا طبعا إذا كان للشي الزيـــن و الحســن .. و ما شفت منج إلا كل خير عشان أقول انتقادات و لا شي صوبـــج ..

الله يحفظج و يخليج حق أهلج و ربيعاتــــــــــــج


هههههه .. مبـــــــــروك >> ذكرتيني فأيام المدرسه و خاصه الثانويه العامه أفرح يوم أشوف نهاية الكتاب .. تم بحمد الله تعالـــــــــــى


نورتيــــني و بتنورينــي في أي وقــــــــــــت ..

[الواضح]

السلام عليكم يا أخت مينووو ,, وأسلوبك

في الرد كان رائع ,, ويعطيك العافية على هذا المجهود

بسم الله نبدأ الأسئلة :

1ـ متحف أو معلم أو تمثال تتمنين زيارتها ؟

2ـ هل الأهرامات أم سور الصين العظيم أعظم بناء
بناه الانسان ؟ رأيك الشخصي,

3ـ تفضلين تصوير الجبال أو الصحراء أو الاثار أو الغابات
أو المراعي الخضراء؟

4ـ صحابية أو صحابي تأثرتي به أو بها, وأعجبتي بقصته؟

5ـ سؤال خفيف,, أحب طير عندك ؟لأني أحب أصوات
العصافير ,,

وآسف أني ما قدمت لك لا شاي ولاقهوة لأن الخدامة

شردت اليوم مع راعي البقالة ,, سموحة على الأسئلة

السهلة لأن مستواك جامعي,, ودمتم سالمين,,

[ام الولد]

بسم الله الرحمــــن الرحيم,,
السلام عليكم ورحمـــــــــة الله وبركاته,,
العزيزه مينو ماراح اطول عليج وماشاالله عليج
عضوة بارزه وفارضه احترامج في المنتدى بجداره ورقي,, ويالله نبتدي

1- مينو الأنسانه ,, ومينو بين أسرة المنتدى هل تختلفان ؟؟؟
2- أعطتك ام الولد قلما وطلبت منك التعبير لبعض من واقع الحياة المرئيه والملموسه ,,فأي واقع تختارين؟
3- نصيحه لكل محب..
ولي عوده والسموحــــــــــــه,,
ام الولد,,

[MiNoOo 87]

الواضــــــــــــــح



عليكم السلام و الرحمـــــــــه ..

هيه جيـه يا مرحبا بـك أخويـــــــه

العفـو .. تسلم من طيـب أصلـــك ..

ربي يعافيـــــــــك


بســم اللــــــــــه ..


- متحف أو معلم أو تمثال تتمنين زيارتها ؟!

امم .. مافي شي محدد في بالــــــــي ..

بس ما أدري ليش خطر فبالي أسير متحف دبــــــــي .. عقب سؤالك



هذا داخل الدوله .. أما برع خاطري أسافر وايد دول

- هل الأهرامات أم سور الصين العظيم أعظم بناء بناه الانسان ؟! رأيك الشخصي ..

أحس الاثنين لهم أهميتهم و وزنهم .. ما شاء الله .. و الاثنين الجهود المبذوله واضحه فيهــم ..

- تفضلين تصوير الجبال أو الصحراء أو الاثار أو الغابات أو المراعي الخضراء ؟!

بشكــــــــــــل عام .. بما إني عايشه في رأس الخيمــه .. فأنا أحب أصور الطبيعــه .. ( الأمطار .. الغيـــــــــــوم .. غروب الشمــــــــــس .. اليــــــبال .. الأماكن العامــه ) .. بس زاد اهتمامــي و قمت أصور كل شي يشد انتباهـــي لإن التصويــــــــر استــوا هوايتي المفضلـــــــــــه ..

- صحابية أو صحابي تأثرتي به أو بها , و أعجبتي بقصته ؟!

ما شاء الله .. ما أخفي عليــك .. أنا مقصـره في قراية قصص الصحابه

يعنـــي أقرأ المواضيع الإسلاميـه بشكــــــــل عــــام .. و تكون فيهــا قصص إسلاميــه وايـــد ..

من بينهـــــــــــــــا :

.. أم المؤمنين .. السيده عائشه رضي الله عنهـــــــــا ..

- سؤال خفيف ,, أحب طير عندك ؟! لأني أحب أصوات العصافير ..

الطيــور الحلوه مافي طير محدد في بــالي .. سبحــان الخالق كل طير و له ميزته و حلاته الخاصــه ..

و أحلى وقت تسمع فيه أصوات العصافير .. فوق الشير .. قبل آذان المغـــرب .. سبحـــــــــــــــــــــان الله ..



ههههههههههههه حلوه .. شردت عيل هـا ..

يبالهــــــــا طراقــات >> عاشت الجــو

أفا عليـــــك مسمــوح بالحــــــــل ..

تسلـــم و الله من طيـــب أصلـــــــــك ..

ما عليــك قصـــور ع الطله الطيــبه و إنك ما رديتـــــني


حيـــــــــــاك الله فــــــي أي وقــــــــــت ..

[MiNoOo 87]

أم الولـــــــــــــد




عليــــــــكم السلام و الرحمـــــــــه ..

يا مرحبـــــــــــا بج و الله ..

تسلميـــن إختيه ع الكــــلام الطيـــــب .. من طيـــــــب أصلــج ..

كلامكــم و رايـــكم فينـــي يفرحنـــي و ان شاء الله دوم أكـون عند حسن ظنكـــم ..




- مينو الأنسانه ,, و مينو بين أسرة المنتدى هل تختلفان ؟!

اممم .. يعني قصدج فالطبيعه .. هل اختلف عن المنتدى ؟ .. إذا جيــه قصــدج ..

لا .. ما اختلــف .. أنا هي الإنسانــه نفسهــا ..

كل شي تشوفيه فيني فالمنتدى ينعكس على شخصيتي فالواقـــع ..



- أعطتك أم الولد قلما و طلبت منك التعبير لبعض من واقع الحياة المرئيه و الملموسه ,, فأي واقع تختارين ؟!

اسمحي لي ما فهمت السؤال *.* لإني حسيته نفس المعنــى

- نصيحه لكل محب ?!

أهم شي فالحيــاه رضى رب العالمين ورسوله الكريم .. و من عقبهم رضى الوالديــــــــــــــــن .. لإنه مقترن بطاعة الله سبحانه و تعالـى .. قال تعالــى : وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا ..

و شــي أكيـــــــــــــد ..

قال تعالـى : مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ..


مسمـــــــــــوحه بالحــل ..

مـــــــرحبا بج في أي وقــــــــــــــــت ..

[صاحب التميز]

[align=center]اختي الفاضلة \ مينو87


صاحبة الزر الذهبي و القلم النير
قد تكون الصور اقرب الى الخيال لكـن الخيال هو تحدي الواقع



اهلا بكـ بيننا

ننتهل بعض الخبرات و نأخذ بعض التجارب المميزة منكـ اختي الفاضلة و من قلمكـ الذي يرسم لوحاته الخاصة دائما و في مختلف الأقسام


اختي الفاضلة

لدي بعض الاسئلة الخفيفة


ما صلة زركـ الساحر بالمنتدى

عرفي التالي :
- فرشاة
- قلم
- كاميرا بفيلم
- كاميرا احترافية


ذروة هواية التصوير لديكـ

ما هو دور ( النيجاتيف ) في حياتكـ




دمت بود



[align=right]•|• صَـٍّآْحِ'ـبُ • الْ'ـتَّمَيُّزْ [/align]
[/align]

[MiNoOo 87]

صـــاحب التميــــــــــز



يا مرحبا بك أخويـــه .. كنت أتريا أسئلتــك و تسلم ع متابعتك الطيبه للموضوع ..

الله يعطيك العافيه ع مجهودك الطيــــــــــب


هلا بك زود و الله ..

تسلم ع كلامك الطيــــــــــــب .. و هذا شـــــــرف لي ..

خــبرتي جدا قليلــه جدام أقلام نيــره مثل قلمك و قلم سري للغايه و فاقد إنسـان و غصن الورد و بنت الخليج و فارس بلا جواد و الكلمات المتقاطعــه و الأميره الناعســـه و رذاذ عبدالله و الأميره الحسناء و إمرأه لا تنسـى و بو فيصل و الكثير من الأعضاء المميزين فالكتابه ..

ما شاء الله .. اللهم لا حسد ..

ربي يحفظكم جميـع ان شاء الله ..


تفضـــــل أخويه


- ما صلة زركـ الساحر بالمنتدى ؟!

تسلم و الله ع التشبيه الطيب .. أحسه فاق مستواي .. لإني مجرد هاويه للتعبير و الكتابه بأسلوبي الخاص .. عشان أفيد الجميـــع بطريقتــي .. و أتمنى من كل قلبي .. إني قدرت أحقق اللي فبالي لمصلحتي و مصلحة غيري ..

- عرفي التالي :

- فرشاة : أداة صغيـره يستخدمها الرسام .. يطلع من وراها بنتايج و لا أروع .. من رسومات مختلفـه .. الشي مب في حجمه .. الشي في معرفة كيفية استخدامـــــــــــــه .. للحصول على أفضل النتايـــــــــــج .. مجرد رسمة من فرشاه صغيره ممكن تعبر عن واقع حلو أو مريــر .. حسب الوضــــــــــــــــــع ..

- قلم : قلمي هو أنا .. أنا إنسـانه كتومه .. ما أحب أفضفض باللي فخاطري حق أي حد .. نادر ما تلقاني أتكلم .. ويا إنسانه عزيزه ع قلبي و تسمعني .. بس أنا طبعي جيه ( الكتمان ) .. ألجأ لقلمي لإني أحس إنه هو الوحيد اللي يخفف عني ضيجـي .. أحب أكتب و أعبر عن إحساسي .. اللي أكتبه ما يتسمى شعر و لا من ها الأنواع .. مجرد فضفضه للي فخاطري و محد يشاركني فيها غير نفســي .. و بعد أحب استخدمه بشي إيجابي يفيدني و يفيد غيري .. عشان أستغل الفرصه و أكسب الحسنات اللي بتنفعني في آخرتي ..

- كاميرا بفيلم : أوه .. ما أدري ليش حسيت إني تذكرت الماضي .. من ها الكلمتين .. ذكرتني بجمن فيديو لي ويا عيال خالي .. كنا و ما زلنا وايد ويا بعض .. و حرمة الخال ما زالت تحتفظ بأكثر من فيديو و صوره لنا و احنا صغار ( صح أشكالنا تنقع من الضحـــــــــك ) بس جد أيام جميله و ما تتعوض ..

- كاميرا احترافية : استوت من أحلامي المستقبليه .. بديت التصوير كهوايه .. و ألحين أحس إني أبا أزيد من ها الهوايه و أدخل حتى لو بشكل بسيط لشي اسمه احترافيه فالتصويـــر ..

- ذروة هواية التصوير لديكـ ؟!

اممم الله يسلمـــــك بجاوبك حسب فهمي للسؤال ..

مثل ما قلت .. التصويــــر .. بدأ كهوايه عندي من سنة و شـــي تقريــبا ..

صح كامي كانون عاديه مب احترافيه .. بس ألحين بديت أطمح للمزيـــد .. و أحس إني أبا أطور نفسي في مجال التصويــــــر .. مب لهدف الشهره أو شيء معين في بالي .. بس لهدف إني أتعلم المزيــــــــــد و أوصل للهدف اللي أباه أنــا .. مب غيـــــري .. في مجال التصويــــــــــــــــر ..

ذروة هواية التصوير عندي : بإذن اللـــــــــــــــه الإحتــــــــــــراف ..

- ما هو دور ( النيجاتيف ) في حياتكـ ؟!

هيهــــــــــــــاء النيجاتيف .. تذكرني بأيام الطفوله الحلوه .. كانت لنا ذكريات جميلـــــــــــه .. الكام أول غيــر .. السودا اللي نحطي فيها أفلام و نحمضها عشان تطلع الصـــــــــــــــــــــور .. و تم ويانا النيجاتيف نحتفظ فيهـا عشان لا كبرنا و ضاعت صورنا نقدر نظهرها مره ثانيه .. ( بس للأسف أغلبهم ضاعوا و ما تم شي بس أكيد الذكريات عالقه في عقولنا و مستحيل تنمسح ) ..

النيجاتيف .. يعكس الأصل ..

و الحمدالله دام الأساس ( الأصل ) جيد .. النيجاتيف ما بيأثر فينا إلا بطريقة إيجابيه ..


ما أدري أحسني ما كفيت فالإجابه لأسئلتك .. ان شاء الله قدرت أوصل اللي تباه في أجوبتي


حيــــــــــــــاك الله في أي وقــت ..

[MiNoOo 87]

هــامور صغير



تسلم ع المتابعه الطيبــــــــــــــه ..

و أتريا سؤال و لا سؤالين ع الأقل من صوبـــك

>> ع كيفج

[بوعواف]

السلام عليكم يآآآ ( أخت مينـــــو ) كيـــــف حــالك ؟؟؟

ضيــــــافة بسيطة .





نبد أ بالأسئلة .
ملاحظة _ يرجى الإجــــــابة مع تحديد الشخصيـــــة المطلوبة ـ

نبـــدآ بـالآسئلـــة الآن ..

1-اسمج المستعار ؟

2-سبب اختيارج لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمج في الحياة؟

6-أجمل سنوات مرت عليج ؟

7-البرامج المفضلة عندج ؟

8-شخصيتج ( عصبية ، رومانسية ، ....... )؟

9-اجمل بلد زرتيها؟

10-ماهو لونج المفضل ؟

نأسف للإزعاج ، بانتظـــــار الردود ...