عليكم السلام و الرحمه ..

ما شاء الله عليـــــــــــــــــكم .. يا مشرفين قسم النقاش ..

كالعاده مبدعيـــــــــــــن في طرحكم النـــــــــــــادر و المميـــــــــــــــز للمواضيـــــــــــــــع ..

فكـــــــــــره جــــــــــدا جميلــــــــــه ..

يقدر يناقش فيهــــــــــا العضـــو عدت قضـــــــــايا يطرحها البرنامـــــــــــــج اللي من تقديــم الدكتور : أحمد النجار ..

ما شاء الله عليــــــــــــــــه .. الله يحفظه و يوفقه لكل خيـــــــــــر ان شاء الله ..

يعيبنـــــــي تنوع مواضيعكم الحصريـــــــــه فها القســـــــــــم ..

الله يحفظــــــــــكم و يوفقــــــــــكم لكل خيــــــــــر ان شاء الله ..


بالنسبـــــــــــه لمضمـــــــــون أول حلقه يتم نقاشـــها .. حبيت أشارككم و أطرح رايي وياكـــــــــــــــــم ..


زواج المواطنات من الأجانب والطلاق وتأثيره على الأبناء ..


- هل تؤيد الزواج من أجانب بالنسبه للرجل والمرأه ؟!

في كلتا الحالتيــــــــــــــن ..سواء للرجل أو المرأه .. أنا أعــــــــــارض ها الشــــــــــي ..

لإن من وجهة نظــــــــــــري .. إن أنسـب زواج .. يوم الاثنيـــن من نفس الديـــــــــــن و البيئــــه ..

نسمع عن حالات كثيــــــــــــره تستـــــــــــوي بسبب ها الشي ..

مثلا : الأجنبيــــــــــــه بعد مرور عدة سنــــــــــــوات لو كان عندها ولد تبا تاخذه عن أبوه و تهاجر فيه بلادهـــــــــــــــا ..

هنيه منو يضيع بالنص ؟!

الأبنـــــــــــــــاء ..

صح في علاقات ناجحه ما أنكر ذلك .. بس للأسف فئه قليلــه جـــــــــــدا ..

- هل تؤيد الزواج من امرأه ثانيه ؟!

طبعـــــــــــا لا >> و أكتبهـــــــــــا بالخط الأحمر العريـــــــــــــــــــــض ..

إلا في حالة وجود ضــــــــــــروره ..

صح الشرع حلل أربع .. من وجهة نظري الشخصيــــــــــه .. إذا كانت الحرمه الأولــــــــــى مب مقصره ويا ريلها بشــــــــي .. هنيه أنا أعارض الزواج بالثانيــــــــــــه ..

أما إذا كانت مثلا : عاقـر .. هنيه يحق للريال إنه ياخذ حرمــه ثانيـــه .. لإن في حق من حقوقه يبا يحصله ..

فــيكون بالحلال أحســــــــــــن .. من إنه يلجأ لشي يغضب رب العالميــــن ..

يعني على حســب إذا في سبب يحق له ..

غيـر جيه : لا و ألف لا ..

- هل الطلاق يأدي الا تشتت الابناء؟!

شي طبيعـــــــــــي و أكيــــــــــــــد .. لإن العيــــــــال بينشأون و بيكون في طرف من الأطراف ناقصه إما الأب أو الأم .. ها الشي بيأثر في نفسيتهـــــــــــــم .. حتى لو يظهرون عكس ها الشي .. بس أكيد نفسيتهــــــــــــم غيــــــــــــر ..

- هل الديون سبب من أسباب فشل الزواج ؟!

هيـــــــــــه .. و للأسف الشديد أقولها و بكل صراحه ..

الأيام هاي : الحرمه هي اللي تخلي الديون تكثر ع الريـــــــال .. بسبب طلباتهم الكثيره وقت العرس و مهورهم الغاليــــــــــــه .. اللي خلت الشباب يلجأون للزواج من بـــرع .. و لازم نتذكـــــــــــــــر : أقلهن مهـــــــــــــرا أكثرهــن بركــــــــــــــــه ..

ماشي فايده يوم أول العرس يكون كل شي فالسليم من صوب الحرمه .. بس الريال متراكمه عليه ديون الدنيــا .. ها الشي بيأثر على حياتهم مستقبــــــــــــــــــــــلا ..

- ما رأيك بحل المشاكل الزوجيه أمام الابناء ؟!

من وجهة نظري المشاكل الزوجيه تنحل بين الطرفين الأب و الأم فقط .. عشان ما تأثر سلبيا على الأبناء ..

- نصيحه تود أن تقدمها للمتزوجين ؟!

الحب والحوار والصدق من أبرز مقومات نجاح الزواج ..

الزواج مسؤولية مشتركة و مب حفل زفاف و فستان أبيض و أحلام وردية ..

إذا كل شي يتأسس على الصح من البدايــــــــــه تماشيا مع كتاب الله و سنة نبيه عليه الصلاة و السلام فتأكدوا إنكم بتعيشون حياه زوجيه ناجحه فالمستقبل بإذن الله تعالى ..