[align=center] رأيي هو أن يكون القرار مدروس من كل الجوانب:


ممكن فيه بنات يفكرون بالزواج من وافد من باب العشق

أو الخوف من

العنوسة ..

لكن العشق ما يوكل عيش لوحده وعادة الانسان بعد خمس

سنوات تتغير شخصيته بالكامل وهي ممكن تشوف ها الانسان اللي عشقته

يتغير لوحش أو لشخص هي مستحيل تحبه
وبالتالي تعيش الندم ..


والخوف من العنوسة كلام فاضي لأن سن الزواج تغير وخروج البنات للعمل

فتح مجالات أكثر لهم للحصول على فرص الزواج ..


وبعدين منو اللي قال ان

الحياة ما تستمر بدون زواج ..

هذي النظرة خلاص عفا عليها الزمن ونداءات الخطباء اللي يرددونها بصوت

حزين عن بنات عاشوا الويل لأنهم ما تزوجوا أحسها نداءات غريبة ..

لأن البنات ما يفكرون بالاسلوب
اللي يقول يا اما الحياة مع رجل أو الموت ..!!

خلاص اليوم البنت تدير حياتها أمهر من الريال ..

وصاروا الرجال هم اللي يدورون التفاته من البنت..


أما المسائل العنصرية فمالها وجود إخواننا الوافدين حياهم الله بيننا يشتغلون ويكدون ويبنون حياة لعيالهم أما إنهم يستغلون بناتنا أو يحاولون يناسبونا فهذا أمر مرفوض موب من قلة عيال القبايل بيننا ..

والصراحة أنا وحدة ما أرضى أتزوج وافد أو مقيم في البلاد حتى لو كان عنده الجنسية الاماراتية لأن المسألة موب بس مسألة جنسية عيال بالنسبة لي .. المسألة هي تربية رجال متكاملة .. الصراحة أبا ولدي يطلع مطاليع الرجال ويكون يوم ينطرى اسمه يتزاقرون العرب : والنعم وسبعة ..

ما أريد ولدي يعايرونه في الحارة بأبوه مثل ما يعايرون عيال الوافدات ..

أنا مـا أنقص من قيمة حد بس هذا رأيي مشكلتي صريحة وواقعية بزيادة..

أنا ما أعمم هذا الرد عن نفسي لما درست الموضوع من كل الجوانب..

[/align]