رد مع اقتباس
أولاً أحييج أختي الفاضلة على طرحج الموضوع ، ثانياً حبيت أقول انه في أشياء عده لها باع في اللي نشوفه هالأيام ومن ضمنها الجيل اللي ظاهر اليديد تحسه منفتح أكثر عن اللي قبله والأسباب عده منها تهاون الأهل عند رؤيتهم أبناءهم يرتدون هذه الملابس أو يتبعون عادات سيئة مثل السلاسل والأساور وغيره لازم يكون في تدخل من قبلهم وسبحان الله في نفس الوقت في أهل مب راضيين عن لبس أبناءهم لكن ردة فعل الأبناء لامبالاة لنصائح الأهل واللي براسي بسويه طبعاً هذا الشي أكبر غلط ، بعد الوازع الديني له دور وهو أول نقطة لازم هالشي يكون منغرس فيه وهو صغير نأكد عليه هذا صح هذا غلط لين ما يظهر النشء صحيح وسليم وسوي ان شاء الله أما أصحاب النفوس الضعيفة ما همهم يقلدون الغرب بلبسهم أو حركاتهم أو طريقة كلامهم لأن هالشي مكتسب من الغرب من الأساس لتدميرنا والانجرار وراءهم سواء كان بلبس أو تفكير طبعاً الاعلام مب مقصر أيضاً لاعب دور فعال في تضييع هؤلااااء الفئه أو الشريحة في المجتمع سواء عن طريق لبس ،أو العنف اللي نشوفه ، أو طريقة كلامهم ، تعامل مع الآخرين بسوقية ووقاحة واللامبالاة ها كله مكتسب ، لكن الشخص نفسه لازم يفكر ويصحى على نفسه ويحس انه على غلط مو صح أساساً حياة البني آدم تكون مكركبة جيه والله لابارك في الموضة إذا كانت جيه تلهي شبابنا بأمور تافهة لالها معنى ولاشي كم يسوا الواحد لابس دراعته والغترة والعقال ويكون حشيم وسوي ... الله يهدينا ويهدي ويهدي أمة سيدنا محمد عليه أفضل الصلاة والسلام ..
