السلام عليكم ورحمة الله وبركاته
يعطيك العافية اخويا بو فيصل عندي حلم


حلمت الدنيا كان ليل .... وكنت أمشي امبين الباركنات عشان أسير لـــ سيارتي ..
شفت زميل لي فالعمل "" كان يمشي بعيد اشوي على يساري .. وهو لمحني بعد ..

وصلت سيارتي.. فتحت باب الجهة الثانية .. انصدمت ان شي بنتين داخل !!!
وحدة منهن أعرفها !!
اللي حصل اني وايد اتنرفزت .. وقلت لهن : اطلعن من سيارتي شو هالمصخرة ؟
قالن لي : هاذي سيارتنا !!
قلت لهن : يلا يلا برع ..
وزميلي خذ اللي يباه من سيارته .. ورجع .. وهو بطريجه شاف سيارة بابها مفتوح وليتاتها مبطلة.. كان يتلعث انه يبى ايبند الليتات .. لكن عينه عليّ أنا ..
حاولت ازقره كذا مرة لكني كنت ناسية اسمه !!
كنت أبى يشوفلي صرفة ويا هالبنات .. نطلب لهن الشرطة أو نخليهن يروحهن بحال سبيلهن ؟

والسموحه
الزميل تقريباً فالثلاثين - متزوج
اقتباس المشاركة الأصلية كتبت بواسطة بو فيصل مشاهدة المشاركة
وعليكم السلام ورحمة الله وبركاته


على حسب ما جاء في هذه الرؤيا فإنها قد تدل على حصول بعض الاشكاليات او المخالفات في مكان او قرب جهة العمل بما يخص الخدمات التي تقدمها جهة عملك يكون فيها مثل التجاوزات الادارية او الازدحام من المراجعين بسبب سفر بعض الموظفين وتزايد الاعمال عليك بسبب تغطيتك لاعمال زملاء لك مسافرين وتكونين بحاجة لمن يساعدك او يتفرغ لانجاز بعض الاعمال المثقلة والمتراكمة ...

ارجو أن يكون التفسير واضحاً لما هو في معناه ؟


هذا وأن الله اعلم ,,,
تسلم ع التفسير ..

سيدي أنا ما اشتغل عندهم .. أنا كنت متدربة عندهم فالجوازات وطلعت قبل شهر .. !!
أما هذي الرؤية قبل كمن يوم ..

يمكن من كلامك اني بتوظف عندهم ؟