السلام عليكم ورحمة الله وبركاتة
معــقوله!!
تناقشون شكل الاشاره بس ماناقشتو الاشياء المهمه
يعني ماعرف هذا تطور ولا شو!!
فباقي البلدان لما يغيرون الاشاره مايعتبر انجاز لانه شي عادي وظروري
لكن تغير بهذا الشكل يعتبر انجاز فاشل والله
اخواني الصور بسهوله تحطونها لكن لو تعرفون هذي الاشارات المتطوره كم تكلف ماراح تناقشون بهالموضوع
اما بالنسبه الى هذي الاشارات الجديده فهي بصراحه ممتعه لانك تتخيل انك بملعب كوره قدم وهذا هو الهدف!!
بصراحه ماعرف المهندس مهووس بكوره القدم
الله ياسامحكم يا اخواني نسيتو تناقشون موضوع الشوارع والارواااح والحوادث الي تحصل يوميا بالاماره والتهور والطيش الي حاصل ونشوفه يوميا وبشكل مخيف..شارع سرعته محدده 100 او 80 ولكن الي يسوق مصر انه يمشي 180 او 160 ؟؟ نسيتو تناقشون موضوع نفق اول مشاهفي راس الخيمه ومكانه الي ماله لزمه ابد
بدل هالمكان لو مسوين جسر مشاه في شارع معيريض كان احسن من منظر الهنود وهم يتناقزون جدام السياره ومنظر الاطفال وهم بهالشارع وطبعا ماننسى شارع الجولان الغني عن التعريف بالحوادث الفضيعه وكان اخر حادث لحرمه مسنه رحمها الله برحمته والشارع لين يومكم يتوقف والسبب شخص يمشي فيه!! معقووله شاارع عااام فيه حد يعبره بدون جسر مشاه عالاقل نحمي الاروااح ونخفف من هالحوادث الي تحصل
لو نقارن التطور الي حاصل في باقي الامارات ماراح نخلص شوفو عجمان كيف الي يدخلها الحين يحس انه مب بالامارات تطور في كل مكاان وكل الاشارات رقميه ماشاء الله شوارع ولا احلى وتنظيم ولا احلى..وهني طبقو نظام الاشاره الرقميه وبعد في خلل ..الوقت مايبين للي بعيد والشاشه الرقميييه صغيررره واااايد لحد مب معقوول
اما بخصوص لو في حد من المهندسين ويدخل ويطنش ترى ربنا موجود وكل شخص محاسب يوم الحساب
اخوكم
الراي الصريح
المشاركة الأصلية كتبت بواسطة فيصل بن ديه
