انتخبوها هي أملنا في تحقيق مطالبنا

[بنت الخاطرى]

يعطيكم العافية على المشاركة

[الراي الصريح]

1-توفير وظائف للمواطنين
2-تخفيف ديون المواطنين
2-انخفاض سعر البترول
3-ترميم البيوت التي انتهت صلاحيتها
4-زيادة رواتب الامارات الشماليه 4 الاف وفي ناس متزوجين وعندهم اسر
5-مافي تفرقه بين اماره واماره(اسف مانقدر نوظفك انت من اماره فلانيه)
6-60% من المواطنين ساكنين في بيوت ايجار وشقق
7-توطين في كل الجهات

وكان الله غفور رحيم

[نور الدنيا 2011]

أتمنى ترشحون حد ينفعنا إلي يرشحون يرشحون بس هكذا من منطقتهم ولا ولد فريجهم ليش مانتفق ونرشح ناس صدق تستأهل مثل أم حميد الاستاذه عائشة أحسها همها الاول والاخير الوطن والمواطنين يوم أسمعها تتكلم في الاذاعات أو تلفزيون أقول يليت عندنا مثلها بس ثنتين تتكلم بكل صدق وصراحه وما تخاف من حد أتمنى أسمع وجهات نظركم بهذي الانسانه أم حميد وهل بترشح نفسها السنة أو لا؟؟؟؟؟؟؟؟؟؟؟؟؟؟؟؟؟؟؟

[نور الدنيا 2011]

استفسار حد يحاسب أعضاء المجلس الوطني بعد إنتهاء من الفترة المحدده الاشياء إلي قالوا بيسوها وما سوها ؟؟؟؟؟؟؟؟؟؟

[الراي الصريح]

بن طمروق الظهوري
الله يخليك لا تتمنى يزدون الرواتب لان لو زادو بيزيد سعر البترول والسلع وطبعا نحن اهل الامارات الشماليه الي راح نتعب
لان تعرف وضع رواتب الامارات الشماليه
ثانيا يالغالي الاجاب مب بس صارو يمتلكون اراضي وبيوت
لعلمك الاجنبي اذا اشتغل هني في مميزات ثانيه
اضرب لك مثال
واحد من المعارف سافر هو واخوه ل بريطانيا 4 سنين للدراسه..واحد من الاثنين تزوج وحده بريطانيه وحصل على الجواز البريطاني
واالاثنين خلصو الدراسه ونفس التخصص والاخ الي ماتزوج كانت درجاته احسن من اخوه الي خذى جواز بريطاني
الاثنين رجعو للابلاد وداومو بنفس المكان بس تعرف شو صار
الاخ الي خذى الجواز البريطاني راتبه 45 الف مع سيارة مع فيلا وتذكره سفر درجه اولى
اما الاخ الي ماتزوج بريطانيه وتزوج مواطنه بعد مارجع راتبه 25 الف وبس مافي شي ثاني
ليش هذاكله ماعرف
ياليت حد يسمع شكوانا اخوانا المواطنين مديونين وناس محتاجه ترميم للبيوت وناس ماعندها دخل وناس عندهم عيال مرضى واالمستشفيات مافيها ادويه ولازم يشتري الدوا من الصيدليه وطبعا كل مرض وله دوا وتعرفون الصيدليات كل دوا ب 500 واكثر
ناهيكم عن المناطق المنسيه الي يعانون اسره من 5 1شخص تسكن في بيت واحد ناهيكم عن البطاله الي صاايره والي عددها يخوف بصرااحه وناهيكم عن التركيبه السكانيه
وبالاخير نسمع عن مشاريع بالمليااارااات تصير
ومليار واحد يكفي يغطي ديون المواطنين
الله كرييم يا بن طمروق

[غصن الورد]

الناس ماتبغى تبختير بشوت وبرزة كراسى و الناس محتاجه حد يوصل صوتها ويسمعها الناس تبغى سد أحتياجاتها اللى تقلدوا فى السابق ما نفعوا حد ولا حد شاف منهم شئ وين سارت الفلوس اللى دفعت لهم
الناس محتاجه المواطنين محتاجين ومن يريد يسمع الصوت بيعرف كيف يسمعه وبيوصل له وبيتابع وبيتفقد أحوال المواطنين الناس تبغى راحة وعيشه ويقدر إى مواطن أنه يوصل صوته بس يفتحون المجال لهم بدون إى عقبة وناس تصدهم وناس تردهم

[بنت الخاطرى]

فعلا كلامكم صحيح و100%
اتمنى تتحقق كل هالامنيات و امنيات باقي الاعضاء
وشكرا على المشاركة

[ẁĿĐźĂУỂĐ999]

السلام عليكم ورحمة الله وبركاته ...
كلنا امل بان التشكيل اليديد يناقش هذه المواضيع بكل جديه ويوجد الحلول اللازمه لها ...
بارك الله فيج على الطرح المهم ...

[LoOonely_Girl]

لــآتحلــــــــمون وآيد حد يلبي مطالبكًــــم

يمكن بأول الفترات بس بع ــدين لــــــآ